नागपूर : मतदारसंघ शिवसेनेचा असो की भाजपाचा, प्रत्येक शिवसैनिकांनी युतीच्या उमेदवारासाठी निवडणूक पूर्वतयारीला लागावे, असे आवाहन शिवसेना जिल्हाप्रमुख शेखर सावरबांधे यांनी शिवसैनिकांना केले. दक्षिण-पश्चिम विधानसभा क्षेत्रातील खामला येथील शिवसेना शाखेच्या उद्घाटनप्रसंगी ते बोलत होते. नागपूर शहरात मागील निवडणुकीत पाच विधानसभा क्षेत्रात भाजप व दक्षिण नागपुरात शिवसेना लढली, हेच सूत्र ध्यानात ठेवून शिवसैनिकांनी युतीच्या उमेदवाराला सहकार्य करण्याची आवश्यकता असल्याचे सावरबांधे म्हणाले. यावेळी उपशहरप्रमुख काली पांडे, गणेश डोईफोडे, प्रवीण जुमडे, विभागप्रमुख रजत देशमुख, माजी शहरप्रमुख किशोर पराते उपस्थित होते. या शाखेचा प्रमुख म्हणून गौरव लधानी व उपप्रमुख म्हणून प्रशांत कोरी यांची निवड करण्यात आली. यावेळी आकाश पांडे, विशाल सावते, आदित्य पहलवार, आशुतोष सुखदेवे, कांचन भोंगाडे, किशोर निखाडे आदी उपस्थित होते. (प्रतिनिधी)
शिवसैनिकांनी निवडणुकीच्या कामाला लागावे
By admin | Updated: August 15, 2014 00:44 IST