कुही : घरून कुणालाही न सांगता निघून गेलेल्या अल्पवयीन मुलीवर लैंगिक अत्याचार केल्याची घटना कुही पाेलीस ठाण्याच्या हद्दीत नुकतीच घडली. या घटनेतील आराेपीस पाेलिसांनी अटक केली आहे.
गणेश फिरत शाहू (२९, रा. आनंदवन, सूरगाव, ता. उमरेड) असे अटक करण्यात आलेल्या आराेपीचे नाव आहे. कुही शहरातील १५ वर्षीय मुलगी कुणालाही न सांगता घरून निघून गेली हाेती. त्यामुळे कुटुंबीयांनी तिचा शाेध घेतला. ती कुठेही आढळून न आल्याने त्यांनी तिला पळवून नेल्याची तक्रार पाेलिसात नाेंदविली हाेती. त्यानंतर काही दिवसांनी ती घरी परत आली. त्या वेळी तिने गणेशने लैंगिक अत्याचार केल्याची माहिती कुटुंबीयांना दिली. कुटुंबीयांनी तिला विश्वासात घेत पाेलिसात तक्रार दाखल केली. तिच्या जबाबावरून कुही पाेलिसांनी भादंवि ३७६ (२)एन, जे, ३७६ (३), पाेक्साे २०१२ सहकलम ३ (१) डब्ल्यू (१) (२) ३ (२) ५ (अ), ३ (२) (५) अन्वये गुन्हा नाेंदवून आराेपीस अटक केली. या घटनेचा तपास उपविभागीय पाेलीस अधिकारी भीमराव टेळे करीत आहेत.