पाकीट मारले, ‘अ‍ॅफिडेव्हिट’ आणा

पाकीट चोरीला गेलेला एक युवक रविवारी दुपारी ४.३० वाजताच्या दरम्यान लोहमार्ग पोलीस ठाण्यात पोहोचला.

लोहमार्ग पोलिसांचा खाक्या : तक्रार घेण्याऐवजी प्रवाशाला पळविलेनागपूर : पाकीट चोरीला गेलेला एक युवक रविवारी दुपारी ४.३० वाजताच्या दरम्यान लोहमार्ग पोलीस ठाण्यात पोहोचला. त्याने तक्रार नोंदविण्याची मागणी केली. परंतु डायरीवरील पोलिसाने त्याच्या खिशात एकही रुपया शिल्लक राहिलेला नसताना त्यास पाकीट चोरीला गेल्याचे शपथपत्र लिहून आणण्यास सांगितले अन् त्याला पिटाळून लावले.साहुद आलम (२४) रा. झारखंड हा युवक रेल्वेगाडी क्रमांक १२७२३ एपी एक्स्प्रेसने सिकंदराबादवरून नागपुरात आला. नागपुरात उतरून त्यास दुसरी गाडी पकडायची होती. तो प्लॅटफार्म क्रमांक एकवर उतरला आणि बाजुलाच असलेल्या स्टेट बँक आॅफ इंडियाच्या एटीएममध्ये गेला. तेथे त्याने पैसे काढले आणि प्लॅटफार्म क्रमांक १ वरील स्वच्छतागृहात गेला. तेथून बाहेर पडून तो तिकीट खरेदीसाठी जात असताना त्याला टीसीने तिकीट दाखविण्यासाठी हटकले. त्याने खिशात हात घातला असता त्याला आपले पाकीट चोरीला गेल्याचे समजले. त्यावर त्याने उपस्टेशन व्यवस्थापक कार्यालय गाठले. तेथून त्याला लोहमार्ग पोलीस ठाण्यात जाण्याचा सल्ला देण्यात आला. लोहमार्ग पोलिसात डायरीवर उपस्थित पोलिसाने त्यास पाकीट चोरीला गेल्याचे शपथपत्र लिहून आणण्यास सांगितले. नाईलाजास्तव तो युवक पुन्हा उपस्टेशन व्यवस्थापक कार्यालयात परत गेला.तेथे लोहमार्ग पोलिसांनी दिलेले उत्तर ऐकून उपस्टेशन व्यवस्थापक कार्यालयातील कर्मचारी थक्क झाले. (प्रतिनिधी)उपस्टेशन व्यवस्थापकांनी केली मदतपाकीट चोरीला गेल्यामुळे त्या युवकाच्या चेहऱ्यावर चिंता पसरली होती. त्याची स्थिती पाहून उपस्टेशन व्यवस्थापक राजु इंगळे, प्रमोद शेंडे, शंकर चंदन, राजेंद्र तायडे यांनी आपल्या पाकिटातील रक्कम काढली. २५० रुपये किमतीचे राचीला जाण्याचे तिकीट आणि १५० रुपये प्रवासात खर्चासाठी त्या तरुणास त्यांनी दिले.