हजारो ग्राहकांकडून खरेदीसाठी विचारणा : पुरस्कारांचे वितरणनागपूर : के्रडाई नागपूर मेट्रोचा चार दिवसीय ‘प्रॉपर्टी एक्स्पो-२०१४’चा समारोप रविवारी झाला. यावेळी आयोजित पुरस्कार वितरण समारंभात विशेष अतिथी म्हणून महापौर प्रवीण दटके आणि संदीप जोशी होते. मंचावर के्रडाई नागपूर मेट्रोचे अध्यक्ष प्रशांत सरोदे, सचिव अनिल नायर, विशाल अग्रवाल आणि गौरव अगरवाला होते. आयोजन हिस्लॉप कॉलेजलगत चिटणवीस सेंटरमध्ये पार पडले. या एक्स्पोला ग्राहकांचा उत्स्फूर्त प्रतिसाद मिळाला. यावर्षी ५० हजार चौरस फुटाचा डोम पूर्णत: वातानुकूलित होता. १७ पॅव्हेलियन आणि ४४ स्टॉल होते. पाच हजार चौरस फूट जागा फूड कोर्टसाठी राखीव होता. याशिवाय लहानांसाठी किड्स झोनची व्यवस्था होती. एनआयटी आणि मनपाने मान्यता दिलेले प्रकल्प एक्स्पोमध्ये प्रदर्शनार्थ होते. प्रॉपर्टीशी संबंधित माहिती त्या त्या कंपनीच्या स्टॉलवर ग्राहकांना देण्यात आली. समारोप समारंभात गोदरेज प्रॉपर्टीजचे राहुल गुगलिया, प्रोझोन पामचे राकेश अलंकार आणि अनिल सिंग, लेव्हरेज ग्रुपचे आदित्य गुप्ता आणि पिरॅमिड ग्रुपचे प्रदीप तातावार आणि सर्व क्रेडाई नागपूर मेट्रोचे पदाधिकारी आणि सदस्य उपस्थित होते. (वाणिज्य प्रतिनिधी)
प्रॉपर्टी एक्स्पोचा थाटात समारोप
By admin | Updated: September 25, 2014 01:35 IST