काेंढाळी : भरधाव अज्ञात वाहनाने जाेरात धडक दिल्याने गंभीर जखमी झालेल्या पादचाऱ्याचा घटनास्थळीच मृत्यू झाला. ही घटना काेंढाळी (ता. काटाेल) पाेलीस ठाण्याच्या हद्दीतील नागपूर-अमरावती राष्ट्रीय महामार्गावर रविवारी (दि. १४) रात्री ८.३० वाजताच्या सुमारास घडली.
मृताची ओळख पटू शकली नाही. ताे तरुण असल्याची माहिती पाेलिसांनी दिली असून, ताे राेडच्या कडेने पायी जात असताना भरधाव अज्ञात वाहनाने त्याला जाेरात धडक दिली. त्यात त्याच्या डाेक्याला गंभीर दुखापत झाल्याने त्याचा घटनास्थळीच मृत्यू झाला. माहिती मिळताच पाेलीस उपनिरीक्षक राम ढगे, सहायक फाैजदार दिलीप इंगळे, मंगेश धारपुरे, संतोष राठोड यांनी घटनास्थळ गाठून पंचनामा केला व मृतदेह ताब्यात घेत उत्तरीय तपासणीसाठी नजीकच्या शासकीय रुग्णालयात पाठविला. याप्रकरणी काेंढाळी पाेलिसांनी अज्ञात वाहनचालकाविरुद्ध गुन्हा नाेंदवून तपास सुरू केला आहे.