लोकमत न्यूज नेटवर्क
नागपूर : कोरोनाच्या वाढत्या संसर्गादरम्यान डॉ. बाबासाहेब आंबेडकर आंतरराष्ट्रीय विमानतळावरून कमी विमानांचे उड्डाण होत आहे. गुरुवारी इंडिगो एअरलाईन्स आणि एअर इंडियाच्या एकूण सात विमानांचे उड्डाण झाले आणि तेवढीच विमाने उतरली. इंडिगोची मुंबई आणि दिल्लीकरिता पाच विमाने, तर एअर इंडियाची दोन विमाने दिल्ली आणि मुंबईकडे रवाना झाली. सूत्रांनी सांगितले, आरटीपीसीआर चाचणी बंधनकारक आणि विलगीकरणामुळे प्रवाशांच्या संख्येत घसरण झाली आहे. प्रवासी आवश्यक काम असेल तेव्हाच प्रवास करीत असल्याचे दिसून येत आहे.