नागपूर : ‘फिल्मफेअर’ म्हणजे ‘बाॅलिवूड’करांच्या भाऊगर्दीत रंगणारा चमकदार साेहळा. या मायानगरीत यंदा नागपूरचा अंकुश चमकला. नागराज मंजुळे यांच्या ‘झुंड’ चित्रपटातील अभिनेता अंकुश गेडाम याला यंदाचा सर्वाेत्तम नवाेदित अभिनेता म्हणून पुरस्कार मिळाला. अंकुशच्या शानदार स्वागताने नागपूरकरांनीही बुधवारी पुरस्काराचा आनंद साजरा केला.
नुकताच मुंबईत पुरस्कार साेहळा पार पडल्यानंतर अंकुश बुधवारी नागपूरला पाेहोचला. तेव्हा अंकुश मित्र परिवार व माेहननगर रहिवाशांनी त्याचे जल्लाेषात स्वागत केले. सुरुवातीला संविधान चाैक येथे डाॅ. बाबासाहेब आंबेडकर यांच्या प्रतिमेला अभिवादन करण्यात आले. त्यानंतर सेंट जाॅन स्कूल आणि अंकुशच्या गड्डीगाेदाम येथील घरापर्यंत रॅली काढण्यात आली. त्याच्या मित्रांनी अंकुशला खांद्यावर घेत जल्लाेष केला. या स्वागताने अंकुशही भारावून गेला. कधी विचारही केला नव्हता, असा क्षण अनुभवल्याचे ताे म्हणाला. मात्र, पुन्हा आपल्याला चित्रपटात संधी मिळावी, हिंदी चित्रपटसृष्टीने आपली दखल घ्यावी, असे आवाहन करीत बाॅलिवूडमध्ये अभिनयासाठी काेणताही स्ट्रगल करण्याची तयारी त्याने दर्शविली.
स्वागत समारंभात मित्र परिवाराचे प्रकाश गजभिये, शुभम सरजारे, दीपक शिंदे, संजय माेरे, सुमित बाेदेले, बंटी यादव, मनीष मार्क, मृणाल सहारे, समुद्र रायपुरे, सचिन साेनवणे, नागेश घाेडके, राजकुमार गाेंड, सूरज हिंगे, सुमित गेडाम, ऋषभ अरखेल, मंजितसिंह ठाकूर आदींचा सहभाग हाेता.