नागपूर : भरधाव वेगाने असलेल्या एका ट्रकने बाईकला धडक दिली. यात बाईकवर बसलेली सासू व सुनेचा जागीच मृत्यू झाला. तर बाईक चालक मुलगा, नातू व नात जखमी झाले. शनिवारी रात्री ११ वाजताच्या सुमारास न्यू काटोल रोड येथे हा भीषण अपघात घडला.
माया सूर्यभान देशभ्रतार (५८) व त्यांची सून करिश्मा देशभ्रतार अशी मृतांची नावे आहेत.
फिर्यादी समर्थन देशभ्रतार (३५) हे आपल्या बाईकवर आई माया, पत्नी करिश्मा, मुलगी तनुश्री (१०) आणि मुलगा विधान (८) यांना घेऊन जात होते. न्यू काटोल रोड नाक्याजवळ एमएच-२८-एबी-८०६२ या क्रमांकाचा ट्रक भरधाव वेगाने येत होता. या ट्रकने बाईकला जोरदार धडक दिली. या अपघातात आई आणि पत्नीचा रुग्णालयात नेत असताना मृत्यू झाला. तर बाईक चालक समर्थन व त्यांचे दोन्ही मुले गंभीर जखमी आहेत. गिट्टीखदान पोलिसांनी आरोपी ट्रक चालकाविरुद्ध गुन्हा दाखल केला आहे.