ठळक मुद्देनागपूर सत्र न्यायालय : लकडगंजमधील संतापजनक घटना
लोकमत न्यूज नेटवर्कनागपूर : सत्र न्यायालयाने अल्पवयीन मुलीवर अत्याचार करणाऱ्या आरोपीला १० वर्षे सश्रम कारावास व १० हजार रुपये दंड आणि दंड न भरल्यास ३ महिने अतिरिक्त कारावास अशी शिक्षा सुनावली. न्यायाधीश विभा इंगळे यांनी मंगळवारी हा निर्णय दिला.दीपक ऊर्फ कलवा किसनलाल सोनी (२०) असे आरोपीचे नाव असून तो लकडगंज पोलिसांच्या हद्दीत राहतो. ही घटना ५ मार्च २०१३ रोजी सायंकाळी ६.३० च्या सुमारास घडली होती. त्यावेळी पीडित मुलगी केवळ १० वर्षे वयाची होती. मुलगी शाळेत असताना आरोपीने तिला बळजबरीने स्वत:सोबत नेले व तिच्यावर अत्याचार केला. पोलीस तक्रारीनंतर आरोपीला ७ मार्च रोजी अटक करण्यात आली. पोलीस निरीक्षक आर. डी. उनवणे यांनी प्रकरणाचा तपास करून आरोपीविरुद्ध न्यायालयात दोषारोपपत्र दाखल केले. न्यायालयात सरकारतर्फे अॅड. वर्षा आगलावे यांनी बाजू मांडली.