मेट्रो रेल्वे उड्डाण पुलावरून धावणार

उत्तर-दक्षिण मार्गावर अजनी चौक ते हॉटेल प्राईडपर्यंत मेट्रो रेल्वे उड्डाण पुलावरून धावणार आहे.

अजनी ते हॉटेल प्राईड : एनएचएआय उड्डाण पूल बांधणारनागपूर : उत्तर-दक्षिण मार्गावर अजनी चौक ते हॉटेल प्राईडपर्यंत मेट्रो रेल्वे उड्डाण पुलावरून धावणार आहे. उड्डाण पूल भारतीय राष्ट्रीय महामार्ग प्राधिकरण (एनएचएआय) बांधणार असून त्यावर कंपनी मेट्रो रेल्वेसाठी बांधकाम करणार असल्याची माहिती नागपूर मेट्रो रेल्वे कॉर्पोरेशन लिमिटेडचे (एनएमआरसीएल) व्यवस्थापकीय संचालक बृजेश दीक्षित यांनी बुधवारी पत्रपरिषदेत दिली. अजनी ते प्राईड हॉटेल हा ३.५ कि़मी.चा मार्ग आहे. यावर मेट्रो रेल्वेचे पाच स्टेशन राहणार आहे. नवीन बांधकामासाठी छत्रपती चौकातील उड्डाण पूल तोडण्यात येणार आहे. त्याऐवजी चार पदरी रस्ता, उड्डाण पूल आणि त्यावर मेट्रो रेल्वे धावणार आहे. मेट्रो रेल्वेसाठी ‘एनएमआरसीएल’चे स्वतंत्र बांधकाम राहील. त्यासाठी डिटेल डिझाईन कन्सलटंटची (डीडीएस) नियुक्ती करण्यात येणार आहे. शिवाय मुंजे चौक ते खापरीपर्यंत ७.५ कि़मी.चे डिझाईन आणि बांधकामासाठी स्वतंत्र निविदा काढण्यात आल्या आहेत. दोन टप्प्यातील निविदांंपैकी एका टप्पा उघडण्यात आला आहे. त्याचे मूल्यांकन सुरू आहे. दुसरा टप्प्यातील निविदा आॅक्टोबरमध्ये काढण्यात येणार आहे. आतापर्यंत सुरू असलेल्या सात निविदा प्रक्रियेपैकी ही एक प्रक्रिया आहे. या मार्गावर खापरी, न्यू एअरपोर्ट, एअरपोर्ट, उज्ज्वलनगर, जयप्रकाशनगर, छत्रपती चौक, अजनी, रहाटे कॉलनी, काँग्रेसनगर असे नऊ स्टेशन राहतील, असे दीक्षित म्हणाले. (प्रतिनिधी)जनरल कन्सलटंट नोव्हेंबरमध्येप्रकल्प वेळेत पूर्ण करण्यासाठी जनरल कन्सलटंट हा महत्त्वाचा भाग ठरणार आहे. यासाठी कंपनीने आॅनलाईन निविदा बोलविल्या होता. त्यात राष्ट्रीय व आंतरराष्ट्रीय दर्जाच्या कंपन्यांनी भाग घेतला. ही निविदा तीन टप्प्यात पूर्ण होणार आहे. अंतिम टप्प्या नोव्हेंबरच्या पहिल्या आठवड्यात पूर्ण होण्याची शक्यता दीक्षित यांनी वर्तविली. जर्मनी व फ्रान्सची चमू आॅक्टोबरमध्ये येणारमेट्रो रेल्वे प्रकल्प ८६८० कोटी रुपयांचा असून त्यात ४,५२१ कोटी कर्जस्वरूपात राहतील. ८० टक्के अर्थात ३७०७.८० कोटींच्या (५०० दशलक्ष यूरो) कर्जाला जर्मनीच्या केएफडब्ल्यू बँकेने मंजुरी दिली आहे. तसेच फिडर सर्व्हिस आणि सोलर एनर्जी उभारणीसाठी ६० दशलक्ष यूरो कर्ज अतिरिक्त देणार आहे. याशिवाय उर्वरित २० टक्के अर्थात १३० दशलक्ष यूरो फ्रान्सची फे्रंच डेव्हलपमेंट एजन्सी देणार आहे. या दोन्ही एजन्सीचे अधिकारी आॅक्टोबरच्या दुसऱ्या आठवड्यात नागपुरात येणार असून मेट्रो रेल्वेच्या विकास कामांचा आढावा घेतील, असे दीक्षित यांनी स्पष्ट केले. मनीषनगरात रेल्वेवर उड्डाण पूलसुमारे ३.५ कि़मी.च्या उड्डाण पुलावरून मनीषनगरकडे जाणाऱ्या मार्गावर महामार्ग प्राधिकरण जवळपास अर्धा कि़मी. रेल्वेवर उड्डाण पूल बांधणार आहे. त्यामुळे रेल्वे मार्गावर उड्डाण पूल असावा, अशी येथील नागरिकांची २० वर्षांपासूनची मागणी या प्रकल्पामुळे पूर्ण होणार आहे. उड्डाण पुलामुळे या भागातील रहिवाशांना विनाअडथळा प्रवास करता येणार आहे.