मेट्रोरिजन निवडणूक; २१ उमेदवारांची माघार

महानगर नियोजन समितीच्या (मेट्रोरिजन) निवडणुकीतून अर्ज मागे घेण्याच्या शेवटच्या दिवशी गुरुवारी...

नागपूर : महानगर नियोजन समितीच्या (मेट्रोरिजन) निवडणुकीतून अर्ज मागे घेण्याच्या शेवटच्या दिवशी गुरुवारी शहरातून ७ तर ग्रामीणमधून १४ असे एकूण २१ उमेदारांनी माघार घेतली.शहरी भागातील २० तर ग्रामीण भागातील ८ अशा एकूण २८ जागांसाठी १७ मे रोजी निवडणूक होणार आहे. अर्ज माघारीची प्रक्रिया संपल्याने आता या निवडणुकीतील चित्र स्पष्ट झाले आहे.शहरी भागातील २० जागांसाठी एकूण २५ तर ग्रामीण भागातील ८ जागांसाठी १६ असे एकूण २८ जागांसाठी ४१ उमेदवारांमध्ये लढत होणार आहे.शहरी मतदारसंघातून अर्ज मागे घेणाऱ्यांमध्ये मोहन वाडिभस्मे, देवेंद्र मेहेर, विद्या कान्हेरे, भाग्यश्री कानतोडे, मीना तिडके, सत्यभामा लोखंडे आणि असलम खान यांचा समावेश आहे.ग्रामीण भागातून अर्ज मागे घेणाऱ्यांमध्ये प्रकाश डोमकी (पारशिवनी), अमोल खोडके ( आडका, ता.कामठी), कल्पना राऊत (आष्टी, ता. मौदा),घनश्याम ठाकरे (कोराड, ता. मौदा), ममता आंबिलडुके (दहेगाव, ता. मौदा), पार्वता आत्राम ( खापरी रेल्वे), चांगो तिजारे (चिरव्हा,ता. मौदा), गीता घाटे (बोरखेडी), राजू आखरे (रा. जाखेगाव, ता. कामठी), भूषण बोरकुटे (रा. वलनी), नंदू घानकुटे (अरोली.ता.मौदा), सूर्यकांत ढोबळे (रा. बोरगाव, ता. मौदा), चेतनलाल पांडे (डिगडोह) आणि लहू डोईफोडे (सोनुली) यांचा समावेश आहे.रिंगणातील उमेदवार (शहर)राजू लोखंडे,चेतना टांक, सुषमा चौधरी, प्रवीण भिसीकर, सुधीर राऊत,जगदीश ग्वालबंशी, परिणय फुके, नरेंद्र बोरकर, सतीश होले, निर्मला बावणे, स्वाती आकतकर, साधना बरडे, मंगला गवरे, दिव्या धुरडे, अश्विनी जिचकार, प्रगती पाटील, अल्का दलाल, सुरश जग्यासी, दीपक कापसे, संजय महाकाळकर, अरुण डवरे, रेखा बारहाते, प्रशांत धवड,अभिषेक शंभरकर आणि मुरलीधर मेश्राम.रिंगणातील उमेदवार (ग्रामीण)रवींद्र चिखले, प्रवीण खाडे, देवराव कडू, संदीप घिये, विजय निकोसे, मनीष कारमोरे,नीता पोटफोडे, रामेश्वर साठवणे,चंदा जुमडे, मोहन माकडे,कांता बावनकुळे,सुनील कोहळे, कैलाश वैद्य, फकिरा कुळमते, राजेंद्र दुधबळे, जितेंद्र चव्हाण.(प्रतिनिधी)