नागपूर : लिव्ह इनमध्ये राहणाºया प्रेयसीला मारहाण करून तिला उपचारासाठी न नेता आईच्या घरी आणून सोडले. आईने युवतीला उपचारासाठी रुग्णालयात दाखल केले असता तिचा उपचारादरम्यान मृत्यू झाला. या प्रकरणी आईने दिलेल्या तक्रारीवरून कळमना पोलिसांनी आरोपी युवकाविरुद्ध सदोष मनुष्यवधाचा गुन्हा दाखल केला आहे.
शहबाज उर्फ समीर फैतुल्ला शेख (२७, रा. शांतीनगर) असे आरोपीचे नाव आहे. तो एका हॉटेलमध्ये वेटरचे काम करतो. पोलिसांनी दिलेल्या माहितीनुसार, त्याचे यशोधरानगर पोलिस ठाण्याच्या हद्दीत राहणाºया २७ वर्षीय युवतीशी मागील चार ते पाच वर्षांपासून प्रेमसंबंध होते. ते दोघे लिव्ह इनमध्ये एकमेकांसोबत राहत होते. दरम्यान कळमना पोलिस ठाण्याच्या हद्दीत २४ फेब्रुवारीला दुपारी १ वाजता त्यांच्यात भांडण झाले. भांडणात युवकाने तिला हाताबुक्क्यांनी मारहाण केली. यात तिच्या पायाला जबर दुखापत झाली. युवकाने तिला परिसरातील डॉक्टरांकडे उपचारासाठी नेले. दरम्यान दुखापत जास्त असल्याने डॉक्टरांनी त्याला युवतीला दुसºया रुग्णालयात नेण्यास सांगितले. परंतु आरोपी शहबाजने उपचारासाठी पैसे नसल्याने तिला तिच्या आईकडे सोडले. तिच्या आईने तिला उपचारासाठी मेडिकलमध्ये दाखल केले. उपचारादरम्यान युवतीचा मृत्यू झाला. उपचारासाठी उशीराने रुग्णालयात भरती केल्यामुळे युवतीचा मृत्यु झाल्याची चौकशीत समोर आली. त्यामुळे मृत युवतीच्या आईने दिलेल्या तक्रारीवरून कळमना पोलिसांनी आरोपी शहबाजविरुद्ध कलम ३०४ नुसार गुन्हा दाखल करून त्यास अटक केली आहे.