नागपुरात  पेपर विक्रेत्यावर चाकू हल्ला

पेपर विक्रेत्यावर (हॉकर) चाकूहल्ला करून लुटारूंनी त्यांना लुटण्याचा प्रयत्न केला. या हल्ल्यात प्रेमदास देवाजी सहारे (वय ५२, रा. नारी रोड, नालंदानगर) जखमी झाले. पाचपावली पोलीस ठाण्याच्या हद्दीत शुक्रवारी पहाटे ४.३० च्या सुमारास ही संतापजनक घटना घडली.

ठळक मुद्देलुटारूंसोबत प्रतिकार

लोकमत न्यूज नेटवर्क नागपूर : पेपर विक्रेत्यावर (हॉकर) चाकूहल्ला करून लुटारूंनी त्यांना लुटण्याचा प्रयत्न केला. या हल्ल्यात प्रेमदास देवाजी सहारे (वय ५२, रा. नारी रोड, नालंदानगर) जखमी झाले. पाचपावली पोलीस ठाण्याच्या हद्दीत शुक्रवारी पहाटे ४.३० च्या सुमारास ही संतापजनक घटना घडली.सहारे रोज पहाटे उठून वृत्तपत्र विकत घेतात अन् सदरमधील माऊंट रोडवर ते विकतात. नेहमीप्रमाणे शुक्रवारी पहाटे उठून ते सायकलने कामठी मार्गाने निघाले. त्यांना रस्त्यात तीन लुटारूंनी रोखले. चाकूचा धाक दाखवून जवळचे सर्व पैसे मागितले. सहारेंनी विरोध केला असता आरोपींनी त्यांच्या पाठीवर चाकू मारला. मात्र, तशाही अवस्थेत आरोपींना न घाबरता सहारेंनी आपली सायकल उचलून लुटारूंच्या अंगावर फेकली अन् मदतीसाठी आरडाओरड केली. ती ऐकून सकाळी फिरायला निघालेली मंडळी तिकडे धावली. ते पाहून लुटारू पळून गेले. माहिती मिळाल्यानंतर पाचपावली पोलीस घटनास्थळी पोहचले. त्यांनी सहारे यांचे जखमी अवस्थेत मेयोत बयाण नोंदवून घेतले. लुटारूंचा शोध घेतला जात आहे.