ठळक मुद्देशनी मंदिरात भाविकांची गर्दी
नागपूर : सूर्यपुत्र शनिदेवाच्या जन्मोत्सवानिमित्त शहरातील शनी मंदिरात विविध कार्यक्रमांचे आयोजन करण्यात आले. भाविकांनी शनिदेवाचा तेलाने अभिषेक केला. पहाटे ४ वाजता मंदिराचे पट उघडण्यात आले. त्यानंतर भगवान शनिदेवाचा श्रृंगार करण्यात आला. सकाळी ८ वाजता महाआरती करण्यात आली. दुपारी १२ वाजता शनिदेवाचा जन्मोत्सव साजरा करण्यात आला. सोमवारी शनी जयंतीनिमित्त सर्वार्थ सिद्धी योग सकाळी ७.१२ ते रात्री ११.३९ पर्यंत राहिला. अभिजीत मुहूर्त दिवसा ११.५१ वाजेपासून दुपारी १२.४६ वाजेपर्यंत राहिला.