प्रोत्साहनपर सांस्कृतिक कार्यक्रम : गुणवत्ताप्राप्त विद्यार्थ्यांचा सत्कारनागपूर : आयआयटी-जेईई कोचिंग इन्स्टिट्यूट ‘आयआयटी-होम’च्या वतीने विद्यार्थ्यांसाठी ‘ज्ञानांजली - २०१४’ या प्रोत्साहनपर सांस्कृतिक कार्यक्रमाचे आयोजन डॉ. वसंतराव देशपांडे सभागृहात नुकतेच करण्यात आले. आयआयटी-जेईई मेन्स, अॅडव्हान्स आणि बीसॅट परीक्षेतील गुणवत्ताप्राप्त विद्यार्थ्यांचा सत्कार करण्यात आला. सर्व विद्यार्थ्यांचा समावेश असलेल्या कार्यक्रमाचे आयोजन आयआयटी होमच्या ११४ विद्यार्थ्यांचा समावेश असलेल्या अॅल्युमिनीने केले. संस्थेच्या १६० पेक्षा जास्त पदवीधरांनी भाग घेतला. विविध सांस्कृतिक कार्यक्रमाने विद्यार्थ्यांना प्रोत्साहन मिळाले. संस्थेच्या २७५ विद्यार्थ्यांनी कार्यक्रमात उत्साहाने भाग घेतला. प्रमुख पाहुणे म्हणून एम. प्रकाश अकॅडमी, पुणेचे गणितज्ज्ञ प्रा. एम. प्रकाश उपस्थित होते. एम. प्रकाश हे भारतातील मॅथ्स् आॅलिम्पियाडचे प्रवर्तक आहेत. विद्यार्थी पाहुणे म्हणून लेक्झिनोव्हा, दिल्लीचे मुख्य कार्यकारी अधिकारी आणि संस्थेच्या २००० च्या बॅचचे अॅल्युमिनी दर्शन मुजुमदार उपस्थित होते. आयआयटी-होमच्या संस्थापक आणि व्यवस्थापकीय संचालिका निशा कोठारी प्रामुख्याने हजर होत्या. उद्घाटन दीप प्रज्वलनाने झाले. सरस्वती वंदना, नृत्य आणि गाणे सादर केले. मुला-मुलींनी समूह नृत्य सादर करून उपस्थितांची वाहवा मिळविली. लेखन आणि दिग्दर्शन २०१३ च्या बॅचमधील विद्यार्थ्यांनी तर सर्वच सादरीकरण २०१४ च्या विद्यार्थ्यांनी केले. टेक्निकल शोनंतर दर्शन मुजुमदार यांनी सर्वोत्तम आयोजनासाठी विद्यार्थ्यांना मार्गदर्शन केले. संस्था नवीन रामदासपेठ, काचीपुरा पार्कजवळ आहे. (वाणिज्य प्रतिनिधी)
‘आयआयटी-होम’चा ज्ञानांजली-२०१४
By admin | Updated: July 4, 2014 01:16 IST