सुगत बुद्धविहार सामाजिक बहुउद्देशीय संस्थाच्या वतीने सावित्रीबाई फुले जयंती कार्यक्रमाचे आयाेजन करण्यात आले. याप्रसंगी प्रमिला टेंभेकर, तक्षशिला वाघधरे तर वक्ता म्हणून प्रा. पुष्पा घोडके, रेषा राऊत, रेखा, लोखंडे उपस्थिती होते. सावित्रीबाई फुले यांचा आदर्श समोर २१ व्या शतकात स्त्रियांनी प्रत्येक क्षेत्रात मोठी प्रगती साधली आहे. मात्र आजही स्त्रियांपुढे मोठे आव्हान आहेत. ती घराबाहेर निघाली तरीही सुरक्षित नाही. कुटुंबांच्या वातावरणात भयभीत जीवन जगत आहे, असे विचार प्रा. पुष्पा घोडके यांनी व्यक्त केले. संचालन वर्षा सहारे यांनी तर सुजाता भिवगडे यांनी आभार मानले.
सावित्रीबाई फुलेनगर, मानेवाडा राेड
क्रांतिज्योती सावित्रीबाई फुले बुद्धविहार समिती, त्यागमूर्ती आई रमाई महिला संघर्ष समिती व युवा परिवर्तन बहुउद्देशीय सामाजिक संस्था यांच्या संयुक्त विद्यमाने क्रांतिज्योती सावित्रीबाई फुले यांची १९० वी जयंती सावित्रीबाई फुलेनगर, मानेवाडा रोड येथे उत्साहात साजरी झाली. यावेळी चांगल्या गुणांनी उत्तीर्ण झालेल्या गुणवतंत विद्यार्थ्यांचा सत्कार करण्यात आला. तसेच अभिवादन रॅली काढण्यात आली. विविध स्पर्धा व सांस्कृतिक कार्यक्रमांचे आयाेजन करण्यात आले.
निर्धार
निर्धार महिला व बालविकास समितीच्यावतीने सावित्रीबाई फुले यांची जयंती साजरी झाली. गांधीसागर तलावस्थित सावित्रीबाई यांच्या प्रतिमेला मालार्पण करून अभिवादन करण्यात आले. यावेळी नगरसेविका वंदना भगत, नंदा गाेडघाटे, रत्ना मेंढे, जया पानतावणे, विशाखा कांबळे, सुजाता गायकवाड, साेनटक्के आदी उपस्थित हाेते.