लोकमत न्यूज नेटवर्क
नागपूर : रिजनल कनेक्टिव्हिटी सर्व्हिस(आरसीएस)अंतर्गत डॉ. बाबासाहेब आंबेडकर आंतरराष्ट्रीय विमानतळावरून पुढच्या वर्षी फ्लाईबिग एअरलाईनची विमानसेवा सुरू होऊ शकते. यासंदर्भात नागपूर विमानतळाचे संचालक करणारी कंपनी मिहान इंडिया लिमिटेडसोबत (एमआयएल) फ्लाईबिग एअरलाईन्सची चर्चा झाली आहे.
सध्या फ्लाईबिग एअरलाईन्स इंदूर, भोपाळ आणि रायपूर येथून विमानांचे संचालन करीत आहे. एअरलाईन्स आपल्या नेटवर्कमध्ये नागपूरला जोडण्यास रुची दाखवीत आहे. फ्लाईबिग नागपुरातून पुणे, हैदराबाद, भोपाळकरिता उत्तम सेवा पाहत आहे. ही विमानेसवा सुरू झाल्यास नागपूरकरांना मोठा फायदा होणार आहे. आरसीएस विमानसेवेंतर्गत भाडेही कमी असणार आहे.
फ्लाईबिगसोबत झाली चर्चा
फ्लाईबिग एअरलाईन्ससोबत नागपुरातून विमानसेवा सुरू करण्यावर चर्चा झाली आहे. तयारी असेल तर कंपनीला विमानतळावर आवश्यक सेवा उपलब्ध करून देण्यात येईल.
आबिद रुही, वरिष्ठ विमानतळ संचालक, मिहान इंडिया लिमिटेड.