लकडगंज आरा मशीन कारखान्याला आग, मध्यरात्रीची घटना

१० फायर टेंडर द्वारे आगीवर नियंत्रण मिळविण्यात यश

मंगेश व्यवहारे, नागपूर: नागपूरच्या लकडगंज परिसरातील आरा मशीन (लाकडाच्या कारखान्याला) मध्यरात्री आग लागली. या आगीत पाच कारखान्यातील मोठ्या प्रमाणात लाकूड जळाल्याची माहिती आहे. 3 वाजताच्या सुमारास घटनेची सूचना अग्नीशमन विभागाला मिळाली. 10 फायर टेंडर द्वारे आगीवर नियंत्रण मिळविण्यात आले. या आगीत किती रुपयांचे नुकसान झाले, आग कशामुळे लागली याचा पंचनामा अग्नीशमन विभाग करीत आहे.