लाेकमत न्यूज नेटवर्क
सावनेर : तालुक्यातील काही शिवारात तिसऱ्या व चाैथ्या वेचणीचा कापूस शेतातच झाडांना लाेंबकळत आहे. कापूस वेचणीला वाढीव मजुरी देऊनही मजूर मिळत नसल्याने ही समस्या उद्भवल्याची माहिती तालुक्यातील काही कापूस उत्पादकांनी दिली.
यावर्षी गुलाबी बाेंडअळीचा प्रादुर्भाव, बाेंडसड व प्रतिकूल वातावरणामुळे एकीकडे कापसाचा उत्पादन खर्च वाढला असून, दुसरीकडे उत्पादन कमी झाले आहे. आधीच आर्थिक संकटात असलेल्या शेतकऱ्यांना महागडी बियाणे, खते व इतर निविष्ठांची खरेदी करावी लागली. त्यासाठी अनेकांनी बॅंका, साेसायटी व सावकारांकउून कर्जाची उचल केली. बहुतांश शेतकऱ्यांनी पहिल्या दाेन वेच्याच्या कापसाची वेेचणी करून त्याची विक्रीही केली.
तालुक्यातील बहुतेकांच्या शेतात सध्या तिसऱ्या व चाैथ्या वेच्याचा कापूस फुटला आहे. वेचणीअथावी ताे झाडांनाच लाेंबकळत आहे. याबाबत शेतकऱ्यांना विचारणा केली असता, मजुरांअभावी कापूस वेचणी शक्य हाेत नसल्याचे त्यांनी सांगितले. बाजारात कापूस पाच ते सहा रुपये किलाे विकावा लागत असून, वेचणीसाठी ७ ते १० रुपये खर्च करावे लागतात. एका महिलेला प्रति दिवस २०० रुपये मजुरी द्यावी लागत असून, ती दिवसभरात केवळ १० ते १२ क्विंटल कापसाची वेचणी करते. त्यामुळे कापूस वेचणीसाठी प्रति किलाे १७ ते २० रुपये खर्च करावे लागतात. वाढीव मजुरी देऊनही कापूस वेचणीला मजूर मिळत नाही. त्यामुळे मध्य प्रदेशातून मजूर आणावे लागतात. त्यांच्या मजुरीसह वाहतुकीवर अतिरिक्त खर्च करावा लागताे. त्यांच्या खाण्यापिण्याचीही व्यवस्था करावी लागते, असेही शेतकऱ्यांनी सांगितले. दुसरीकडे, शेतकऱ्यांनी गुलाबी बाेंडअळीचा वाढता प्रादुर्भाव राेखण्यासाठी फरतड कापूस घेऊ नये, असे आवाहनही कृषी अधिकाऱ्यांनी केले आहे.
...
कापूस बाजारात तेजी
यावर्षी सीसीआय व कापूस पणन महासंघाने खरेदी केंद्र सुरू करून कापसाची माेठ्या प्रमाणात खरेदी केली. या शासकीय खरेदी केंद्रावर कापसाला ५,६०० ते ५,७५० रुपये भाव देण्यात आला. सुरुवातीच्या काळात कापसाचा बाजार स्थिर हाेता. नंतर बाजारात तेजी यायला सुरुवात झाल्याने कापसाचे भाव प्रतिक्विंटल सहा हजार रुपयांपेक्षा अधिक झाले. मागील वर्षीचा अनुभव लक्षात घेता अनेकांनी सुरुवातीच्या काळात पणन महासंघाला कापसाची विक्री केली. कापसाचे दर वाढल्याने शासकीय कापूस खरेदीचा वेग कमी करण्यात आला.