अनैतिक प्रकारात अडसर ठरल्यानेच हत्या

अनैतिक प्रकारांना प्रखर विरोध करून पत्नी-मुलीकडे शिस्तबद्ध जीवनाचा आग्रह धरल्यामुळेच नरेंद्रनगर येथील प्राचार्य मोरेश्वर वानखेडे यांना त्यांचा जीव गमवावा लागला.

ठळक मुद्देशिस्तीमुळे गमावला प्राचार्य वानखेडेंनी जीव : आरोपींना कोठडी

लोकमत न्यूज नेटवर्कनागपूर : अनैतिक प्रकारांना प्रखर विरोध करून पत्नी-मुलीकडे शिस्तबद्ध जीवनाचा आग्रह धरल्यामुळेच नरेंद्रनगर येथील प्राचार्य मोरेश्वर वानखेडे यांना त्यांचा जीव गमवावा लागला. पहिल्या प्रयत्नात आरोपींना त्यांची हत्या करणे शक्य झाले नाही. त्यामुळे आरोपींनी आधी रचलेल्या कटकारस्थानात बदल करून अखेर शुक्रवारी, ३ नोव्हेंबरला त्यांचा बळी घेतला. दरम्यान, अटकेतील आरोपींना रविवारी कोर्टाने ९ नोव्हेंबरपर्यंत पोलीस कोठडीत ठेवण्याचे आदेश दिले.प्रा. वानखेडे शिस्तप्रियहोते. आपल्या परिवारातील सदस्यांनीही शिस्तीतच राहावे, असा त्यांचा आग्रह होता. पत्नीचे, नवरा सोडून घरी येऊन बसलेल्या मुलीचा बाहेरख्यालीपणा त्यांना आवडत नव्हता. त्यावरून त्यांच्या घरात रोजच कटकटी होत होत्या. पहाटे उठून आपल्या कर्तव्यावर गेल्यानंतरही रात्री उशिरापर्यंत प्रा. वानखेडे आपल्या जबाबदारीचे नियोजन करायचे. सुटीच्या दिवशी ते घरी राहायचे. मुलीचे वर्तन त्यांना अजिबात आवडत नव्हते. त्यामुळे प्रसंगी ते हातदेखील उगारत होते. दुसरीकडे पत्नी अनिता आणि मुलगी सायली प्रा. वानखेडेंसोबत शत्रूसारखे वर्तन करायच्या. त्यामुळे घरातल्या घरात आदळआपट, मारहाणीची घटना घडत होती. मोकळेपणाने जगता येत नसल्यामुळे या दोघी त्यांना धमकावतदेखील होत्या. जगायचे असेल तर बºया बोलाने राहा, असे त्या नेहमी प्रा. वानखेडेंना बजावून सांगायच्या. मात्र, त्या या टोकाला जातील अशी कल्पनादेखील प्रा. वानखेडेंना नव्हती. त्यामुळे ते त्यांच्या धमकावण्यांकडे दुर्लक्ष करायचे. ते बधत नसल्यामुळे त्यांचा कायमचा काटा काढण्याची योजना सायलीने तिच्या आईला एक महिन्यापूर्वी सांगितली. बाहेरख्याली मुलीचे कान उपटण्याऐवजी शिक्षिका असलेल्या अनिताने तिच्या कटकारस्थानात सहभागी होऊन स्वत:च स्वत:चे कुंकू पुसण्याचा निर्णय घेतला. त्यासाठी सायलीच्या मित्राला जवळ करून वानखेडेंना संपवण्यासाठी पाच लाखात सुपारी पक्की केली. मारेकºयांना आठ दिवसांपूर्वी अ‍ॅडव्हान्सदेखील दिला. त्यानंतर सायली व तिचा मित्र शुभम ऊर्फ बंटी मोहुर्ले (२२, रा. हिंगणा नीलडोह), अंकित रामलाल काटेवार (१९) आणि शशिकांत ऊर्फ सोनू चंद्रकांत चौधरी (१९) तसेच अंकुश नामक आरोपींना हाताशी धरून शुभमने प्रा. वानखेडेंचा गेम करण्याची तयारी सुरू केली.पहिला वार हुकलाआरोपींनी सोमवारी ३० आॅक्टोबरला प्रा. वानखेडेंची हत्या करण्याचा प्रयत्न केला. महाविद्यालयात जाण्यासाठी प्रा. वानखेडे रहाटे चौकातून रेल्वेस्थानकाकडे निघाल्यानंतर आरोपींनी त्यांच्या दुचाकीला धडक दिली. मात्र, त्याचवेळी समोरून आणि मागून वाहनधारक येत असल्याचे पाहून आरोपी पळून गेले तर, पायाला जुजबी दुखापत झाल्याने वानखेडेंनाही हत्येच्या प्रयत्नाची कल्पना आली नाही. त्यांनी आपली दिनचर्या तशीच ठेवली. यानंतर शुभमला आपले साथीदार कचखाऊ असल्याचे लक्षात आल्याने त्याने सागर ऊर्फ पाजी बावरी (२०) याला सुपारीत सहभागी करून घेतले. नंतर सर्वांनी पुन्हा तयारी करून शुक्रवारी पहाटे प्रा. वानखेडेंची निर्घृण हत्या केली. एका दुचाकीवरील अंकुश बडगे आणि साथीदाराने प्रा. वानखेडेंना नीरीच्या प्रवेशद्वाराजवळ जोरदार धडक मारून खाली पाडले आणि दुसºया दुचाकीवरील पाजी आणि त्याच्या साथीदारांनी तलवारीचे घाव घालून हत्या केली. सायलीच्या मोबाईलच्या सीडीआरने या हत्याकांडाचा छडा लावण्यात महत्त्वाची भूमिका वठविली. हत्येच्या घटनेनंतर सायली तिचा मित्र शुभमला आणि तो सायलीला वारंवार फोन करीत असल्याचे लक्षात आल्याने पोलिसांनी आरोपी शुभमच्या मुसक्या बांधल्या. त्याने दिलेल्या माहितीनंतर अंकित, शशिकांत आणि सागर ऊर्फ पाजीसह सुपारी देणाºया अनिता तसेच सायलीलाही अटक केली. त्यांना रविवारी कोर्टात हजर करून त्यांचा ९ नोव्हेंबरपर्यंत पीसीआर मिळवला. फरार अंकुशचा शोध घेतला जात आहे.आरोपींची संख्या वाढण्याची शक्यताया हत्याकांडात आणखीही काही आरोपी गजाआड होण्याची शक्यता आहे. पोलिसांनी रविवारी सायंकाळी त्या संबंधाने अनिताशी मैत्री जपणाºया काहींची चौकशी चालवली होती. शैक्षणिक आणि सामाजिक क्षेत्रात चर्चेचा विषय ठरलेल्या या खळबळजनक हत्याकांडाचा तपास बजाजनगर पोलीस ठाण्याचे ठाणेदार ज्ञानेश्वर पाटील, वैजयंती मांडवधरे आणि त्यांचे सहकारी करीत आहेत.