लाेकमत न्यूज नेटवर्क
रामटेक : नगरपालिकेच्या जागेवर काहींनी अतिक्रमण केले आहे. वारंवार मागणी करूनही ते हटविण्यात येत नाही. त्यामुळे तीन माजी नगरसेवक तुळशीराम काेठेकर, चंद्रशेखर भाेयर व रामानंद अडामे यांनी शहरातील महात्मा गांधी चाैकात गुरुवार(दि. १२)पासून आमरण उपाेषणाला सुरुवात केली आहे. पालिकेच्या जागेवरील अतिक्रमण तातडीने हटविण्यात यावे तसेच अतिक्रमणधारकांवर फाैजदारी गुन्हे दाखल करण्यात यावे, अशी मागणीही त्यांनी केली आहे.
राज्य शासनाच्या महसूल व वन मंत्रालयाच्या ३० जुलै २०१० च्या अधिसूचनेनुसार, देवस्थानच्या वहिवाटधारकांना देवस्थानच्या मालकीच्या जमिनीची विक्री करण्याचा अधिकार नाही. रामटेक शहरातील परमानंद स्वामी देवस्थानची सर्व्हे क्रमांक १६६/२ मध्ये स्थावर मालमत्ता आहे. काहींनी ही जमीन अकृषक (एनए) करून त्यावर भूखंड तयार केले व त्या भूखंडांची विक्रीही केली, अशी माहिती तुळशीराम काेठेकर यांनी दिली.
दुधाळा येथे ७२ घरकुलांचे बांधकाम करण्यात आले असून, त्यांचे अद्यापही याेग्य पद्धतीने लाभार्थ्यांना वाटप केले नाही. त्यामुळे ती घरकुले अवैध धंद्यांचा अड्डा बनली आहेत. ही संपूर्ण अतिक्रमणे हटवून पालिका प्रशासनाने ती जागा ताब्यात घ्यावी तसेच घरकुलांचे वाटप करावे, यासाठी आमरण उपाेषणाला सुरुवात केल्याची माहिती तुळशीराम काेठेकर, चंद्रशेखर भाेयर व रामानंद अडामे यांनी संयुक्तरीत्या दिली. शहरातील बसस्थानक ते लंबे हनुमान मंदिरापर्यंत मूत्रीघराची व्यवस्था करावी, अशी मागणीही त्यांनी केली आहे.
...
पालिकेच्या जागेवर ग्रामपंचायतद्वारे कर आकारणी
महसूल विभागाच्या दस्तऐवजानुसार सर्व्हे क्रमांक १४२, १४५, १५०, १५१, १५२, १९६, १६९ व २४४ मधील जमीन रामटेक नगर परिषदेच्या हद्दीत आहे. मात्र, त्या जागेवर नवरगाव-आमगाव ग्रामपंचायतने कर आकारणी केली आहे. ही बाब अवैध असल्याने पालिका प्रशासनाने ती जमीन ताब्यात घ्यावी व त्यावर कर आकारणी करावी, अशी मागणी या तिन्ही माजी नगरसेवकांनी केली आहे.
...
गाळे व शाैचालयाचे बांधकाम
सिटी सर्व्हे क्रमांक १३८, १४७, १५०, १४८ व १४६ मधील जमिनीची आराजी ८१४१.८ व १०८८८.५ चाैरस मीटर आहे. या जागेवर साेनेघाट ग्रामपंचायतने अतिक्रमण करून त्यावर कर आकारणी केली. कवडस वाॅर्ड व नवीन विनाेबा वाॅर्डमधील सर्व्हे क्रमांक २२० तसेच महा सरकार झुडपी जंगल सर्व्हे क्रमांक २२२, २२३ व २२४ या जागेवर गाळे व शाैचालयाचे बांधकाम करण्यात आल्याचे तुळशीराम काेठेकर यांनी सांगितले.
...
यासंदर्भात आंदाेलनकर्त्यांशी चर्चा केली आहे. संबंधित विभागाकडून माहिती घेणे सुरू आहे. यात कुणीही बेकायदेशीर कामे केली असल्यास त्यांच्यावर याेग्य कारवाई करून फाैजदारी गुन्हे दाखल केले जाईल. संबंधित जागेवरील अतिक्रमण हटवून त्याला तारांचे कुंपण घातले जाईल. प्रशासकीय कामांमध्ये थाेडा वेळ लागत असल्याने आंदाेलनकर्त्यांनी सहकार्य करावे. त्यांना न्याय नक्कीच मिळेल.
- हर्षल गायकवाड, मुख्याधिकारी,
नगर परिषद, रामटेक.