शहरं
Join us  
Trending Stories
1
मराठीवरून मविआत फूट? काँग्रेसला बोलावले नाही, आता ठाकरेंच्या मेळाव्याला शरद पवार जाणार नाहीत
2
शुबमन धमाका...; इंग्लंडमध्ये द्विशतक ठोकत केली विराटची बरोबरी; 'हे' मोठे विक्रम करत रचला इतिहास!
3
Shubman Gill Double Century : शुबमन गिलचं विक्रमी 'द्विशतक'; अशी कामगिरी करणारा पहिला भारतीय कॅप्टन
4
मोहम्मद शमी दरमहा देणार ४ लाखांची पोटगी; निर्णयावर Ex पत्नी हसीन जहाँ म्हणते- कायद्याचं राज्य आहे..!!
5
"हे दोघे एकत्र येणे म्हणजे, मराठी...; फक्त स्वार्थासाठी एकत्र येताहेत!" नारायण राणे यांचा एकाच वेळी दोन्ही ठाकरेंवर हल्लाबोल
6
Viral Video : पावसात पळत जाऊन दोरीवरचे कपडे काढण्याची गरजच नाही! 'हा' जुगाड सोशल मीडियावर व्हायरल
7
WTC मध्ये २००० धावांसह १०० पेक्षा अधिक विकेट्स! जडेजाच्या नावे झाला वर्ल्ड रेकॉर्ड
8
“शेतकऱ्यांची सरसकट कर्जमाफी करावी, त्यासाठी समिती नको”; विजय वडेट्टीवारांची सरकारकडे मागणी
9
थायलंडच्या निलंबित पंतप्रधान शिनावात्रा यांनी सत्ता वाचवण्यासाठी खेळला नवा 'डाव', नेमकं काय केलं?
10
डोक्यावर पदर घेतला नाही म्हणून पती चिडला, पत्नीचा राग लेकराला आपटून काढला! चिमुकल्याचा मृत्यू
11
"तो वाद मराठी-अमराठी नव्हता"; ठाण्यात शिवसैनिकाला झालेल्या मारहाणीवर आदित्य ठाकरेंचे स्पष्टीकरण
12
Smriti Irani : "मुलगा झाला नाही म्हणून आईला सोडावं लागलं घर"; स्मृती इराणींनी सांगितला 'तो' वाईट प्रसंग
13
त्रिभाषा समितीचे अध्यक्ष नरेंद्र जाधव यांनी स्पष्ट केली भूमिका; राज ठाकरेंबद्दल म्हणाले...
14
जगातील या 5 देशांमध्ये राहतात सर्वाधिक हिंदू! टॉप टेनमध्ये 3 मुस्लीम देशांचाही समावेश, चकित करणारी आहे आकडेवारी
15
दिशा सालियान प्रकरणी आदित्य ठाकरे स्पष्टच बोलले; म्हणाले, “गेल्या ५ वर्षांत ठराविक लोक...”
16
“धारावी पुनर्विकास की देवनार डम्पिंग डील? २,३६८ कोटींचा ‘कचरा प्रकल्प’ कोणाच्या फायद्याचा?”
17
लुटेरी दुल्हन! नवऱ्याला भाऊ बनवलं अन् दुसरं लग्न केलं; रोख रक्कम, दागिने घेऊन झाली पसार
18
एकाच ताटात किती जण जेवतात? शिवभोजन थाळी लाभार्थ्यांचा हा व्हिडीओ बघितला का?
19
आत्महत्या की हत्या? डॉक्टर महिलेच्या मृत्यू प्रकरणाची सखोल चौकशी करा- उपसभापती नीलम गोऱ्हे
20
पाकिस्तानी संघ भारतात येणार, आशिया कप खेळणार; केंद्र सरकारची परवानगी

Coronavirus in Nagpur; कोरोनामुक्तीचा ग्राफ वाढत असला तरी ॲम्ब्युलन्सवर वेटिंगचा ताण

By लोकमत न्यूज नेटवर्क | Updated: May 5, 2021 08:30 IST

Nagpur News शहरातील सर्व रुग्णवाहिका प्रचंड व्यस्त आहेत. घरून हॉस्पिटल शोधणे, हॉस्पिटलमध्ये पोहोचविणे, संबंधित प्रक्रिया पार पडेस्तोवर थांबून राहणे आणि पुन्हा दुसऱ्या रुग्णासाठी निघणे... अशी स्थिती सुरू आहे.

ठळक मुद्देअनेक रुग्णवाहिकांची दिवसाला २२ तास धावाधाव

लोकमत न्यूज नेटवर्क

नागपूर : फेब्रुवारीपासून सुरू झालेल्या कोरोना संक्रमणाच्या दुसऱ्या लाटेचा प्रभाव अद्यापही ओसरला नसला तरी कोरोनामुक्त रुग्णांचा ग्राफ वाढत आहे. निश्चितच ही अंधारात चाचपडत असलेल्या नागरिकांसाठी आशेची प्रकाशवाट आहे. मात्र, रुग्णांना रुग्णालयात दाखल करणाऱ्या ॲम्ब्युलन्सवरचा ताण जराही कमी झालेला नाही. शहरातील सर्व रुग्णवाहिका प्रचंड व्यस्त आहेत. घरून हॉस्पिटल शोधणे, हॉस्पिटलमध्ये पोहोचविणे, संबंधित प्रक्रिया पार पडेस्तोवर थांबून राहणे आणि पुन्हा दुसऱ्या रुग्णासाठी निघणे... अशी स्थिती सुरू आहे. अशा स्थितीत अनेक रुग्णांना वेटिंगवर राहण्याशिवाय पर्याय नाही. त्यामुळे अनेकांचा जीव घरीच तर कधी रस्त्यातच ॲम्ब्युलन्समध्ये जात आहे. जीवनाची ही मरणयातना बघत पुन्हा कर्तव्यदक्ष होण्याची जबाबदारी मात्र रुग्णवाहिका चालक अहोरात्र पार पाडत आहेत.

मनपाच्या संकेतस्थळावर असलेल्या सद्यस्थितीतील माहितीनुसार शहरात आजघडीला १६४ रुग्णालयांमध्ये कोरोना संक्रमितांवर उपचार सुरू आहेत. शिवाय, दररोज कोविड केअर सेंटर्सची नव्याने भर पडत आहे. त्यामुळे एप्रिल महिन्यात या एकाही रुग्णालयात एकही बेड कधीच रिकामा झाल्याचे दिसत नव्हते, त्या रुग्णालयात रुग्णांसाठी आता खाटा शिल्लक असल्याचे दिसून येत आहे. त्यामुळे रुग्ण आणि नातेवाईकांच्या तणावात थोडी का होईना घसरण हाेत आहे. मात्र, संक्रमितातील अत्यवस्थ रुग्णांचा प्रवास अजूनही सोपा झालेला नाही. त्याचा ताण रुग्णवाहिका चालकांवर होताना दिसतो. शासकीय व खासगी हॉस्पिटल्सची स्वत:ची रुग्णवाहिका यंत्रणा आहे. त्यामुळे या रुग्णवाहिका हॉस्पिटल्सच्याच कॉलवर जात असतात. मात्र, खासगी रुग्णवाहिका चालक व स्वयंसेवी संस्थांच्या रुग्णवाहिकांवरील ताण प्रचंड वाढला आहे. या चालकांना एकाच वेळी सरासरी चार रुग्णांचे कॉल अटेंड करावे लागत आहे. एका रुग्णाला हॉस्पिटलमध्ये पोहोचविल्यावर तिथे वेळ लागला तर दुसऱ्या रुग्णापर्यंत पोहोचणे अवघड होत असल्याचेही चित्र आहे. अशा स्थितीत चालकांना रुग्णांच्या मृतदेहाचाही सामना करण्याचे शल्य भोगावे लागत आहे.

खासगी रुग्णवाहिकांचे व्यावसायिक धोरण

खासगी रुग्णवाहिका पूर्णत: व्यावसायिक धोरण अवलंबित आहेत आणि या काळात तर पैसा जास्त कमावण्यावरच त्यांचा भर आहे. एकाने नाव न सांगण्याच्या अटीवर, हे खासगी रुग्णवाहिका चालक एका हॉस्पिटलपर्यंत पोहोचविण्याचे सहा हजार रुपये चार्ज करीत आहेत. मंगळवारीच एका रुग्णाला हॉस्पिटल मिळाले नाही. त्यामुळे, त्याला पाच हॉस्पिटल फिरावे लागले. त्या रुग्णाकडून रुग्णवाहिका चालकाने प्रत्येकी ६ असे ३० हजार रुपये वसूल केल्याचे सांगितले जात आहे.

स्वयंसेवी संस्थांच्या रुग्णवाहिकांना उसंतच नाही

शहरात स्वयंसेवी संस्थांच्या रुग्णवाहिकाही आहेत. कोरोना काळात या रुग्णवाहिका पूर्णत: समाजसेवेसाठी वाहिलेल्या दिसून येत आहेत. अनेक गरीब रुग्णांना यांचा आधार होत आहे. मात्र, रुग्णांचा वाढता ओघ बघता अनेकांना वेटिंगवर राहावे लागते. दिवसाचे २२ तास या रुग्णवाहिकांची चाके फिरत आहेत. महापालिकेने आपली बसचे रूपांतरण रुग्णवाहिकेत केले आहे. त्यामुळे काहीअंशी हा भार कमी होण्याची शक्यता आहे.

स्पेशल रुग्णांना प्राधान्य, अनोळखींसाठी ठेवले जाते ताटकळत

- राजकीय नेते, संघटनांकडून फोन येणाऱ्या रुग्णांना शासकीय रुग्णालयात स्पेशल ट्रीटमेंट दिली जाते. त्यामुळे बरेचदा दुसऱ्या रुग्णांना ताटकळत ठेवले जाते. याचा फटका सेवा देणाऱ्या स्वयंसेवी संस्थांच्या रुग्णवाहिका चालकांना बसतो. त्यामुळे दुसऱ्या वेटिंगवर असलेल्या रुग्णापर्यंत वेळेत पोहोचणे कठीण होत असल्याच्या तक्रारीही पुढे यायला लागल्या आहेत.

कुणी मरतो, कुणी वाचतो, हेच सध्या बघतो आहे.

फेब्रुवारीपासून फोनची रिंग सतत वाजते आहे. दिवसाचे २२ तास गाडी चालत आहे. अनेकदा रुग्ण रुग्णवाहिकेतच दगावतो, हे बघावे लागत आहे. एका शासकीय रुग्णालयात एका रुग्णाला नेले असता, डॉक्टर घ्यायलाच तयार नव्हते. अखेर गाडीतच रुग्ण दगावला. त्यानंतर डॉक्टर आले तर आता बघून काय उपयोग असे म्हणालो तर डॉक्टर आणि सुरक्षा रक्षक मारायला धावले आणि मारण्याची धमकी द्यायला लागले. अशा तऱ्हेने दररोज सात-आठ रुग्ण विविध हॉस्पिटलमध्ये नि:शुल्क पोहोचवितो आहे आणि तेवढेच रुग्ण वेळेत पोहोचू शकत नसल्याने वाट बघत असतात.

- मंगेश बढे, रुग्णवाहिका चालक, जनमंच

....................

टॅग्स :Coronavirus in Maharashtraमहाराष्ट्रात कोरोना व्हायरस