लाेकमत न्यूज नेटवर्क, कन्हान : पाेलिसांनी हनुमान मंदिराजवळील पाणंद रस्त्यावर कारवाई करत रेतीची विना राॅयल्टी वाहतूक करणारा ट्रॅक्टर पकडून चालकास अटक केली. त्याच्याकडून एकूण ५ लाख ३ हजार रुपये किमतीचा मुद्देमाल जप्त केला. ही कारवाई साेमवारी (दि. ४) मध्यरात्री १.३० ते २ वाजताच्या दरम्यान करण्यात आली.
राेशन सेवर लाेंढे (२८, रा. पंचशील नगर, सत्रापूर, कन्हान, ता. पारशिवनी) असे अटक करण्यात आलेल्या ट्रॅक्टरचालकाचे नाव आहे. कन्हान पाेलिसांचे पथक गस्तीवर असताना त्यांना कन्हान परिसरातून रेतीची वाहतूक केली जात असल्याची माहिती मिळाली हाेती. त्यामुळे त्यांनी शहरालगतच्या हनुमान मंदिर परिसराची पाहणी केली. त्यात त्यांना पाणंद रस्त्यावरून विना क्रमांकाचा ट्रॅक्टर येताना दिसला. संशय आल्याने त्यांनी हा ट्रॅक्टर थांबवून झडती घेतली. त्याच्या ट्राॅलीत रेती असल्याचे आढळून येताच कागदपत्रांची कसून तपासणी केली.
त्यात ती रेती विना राॅयल्टी असल्याचे स्पष्ट हाेताच पाेलिसांनी रेतीसह ट्रॅक्टर ताब्यात घेत चालकास अटक केली. ती रेती कन्हान नदीवरील सिहाेरा रेती घाटातून आणली असल्याचे राेशन लाेंढे याने पाेलिसांना सांगितले. या कारवाईमध्ये पाच लाख रुपयांचा ट्रॅक्टर आणि तीन हजार रुपयांची एक ब्रास रेती असा एकूण ५ लाख ३ हजार रुपयांचा मुद्देमाल जप्त केल्याची माहिती ठाणेदार अरुण त्रिपाठी यांनी दिली. याप्रकरणी कन्हान पाेलिसांनी भादंवि ३७९, १०९ अन्वये गुनहा दाखल केला असून, या घटनेचा तपास पाेलीस उपनिरीक्षक सुरजुसे करत आहेत.