नागपुरात रेल्वेच्या ई-तिकिटांचा काळाबाजार

दक्षिण पूर्व मध्य रेल्वेच्या नागपूर विभागाने शनिवारी पारडी परिसरात धाड टाकून रेल्वेच्या ई -तिकिटांचा काळाबाजार करणाऱ्या दलालाला अटक केली. त्याच्याकडून ९ ई-तिकिटे जप्त करण्यात आली.

ठळक मुद्देदलाल अटकेत : ९ तिकिटे घेतली ताब्यात

लोकमत न्यूज नेटवर्कनागपूर : दक्षिण पूर्व मध्य रेल्वेच्या नागपूर विभागाने शनिवारी पारडी परिसरात धाड टाकून रेल्वेच्या ई -तिकिटांचा काळाबाजार करणाऱ्या दलालाला अटक केली. त्याच्याकडून ९ ई-तिकिटे जप्त करण्यात आली. यापूवीसुद्धा त्याने १५२ तिकिटे काढली असल्याची माहिती पुढे आली आहे.अजहर खान शकील खान (२१) रा. नेताजीनगर, सुभाननगर, पारडी असे आरोपीचे नाव आहे. पारडीतील सुभाननगर परिसरात एक व्यक्ती रेल्वे तिकिटांची अधिक भावाने विक्री करीत असल्याची गुप्त माहिती विभागीय सुरक्षा आयुक्त ए. के. स्वामी यांना मिळाली होती. त्यांच्या आदेशावरून मोतीबागचे निरीक्षक गणेश गरकल यांच्या नेतृत्वात उपनिरीक्षक बी. के. सिंह, एम. के. विश्वकर्मा, विजय विठोले, विजय उमरेडकर, बी. हलमारे, महिला कर्मचारी पूनम यांचे पथक सुभाननगरात पोहोचले. अजहरची माहिती काढून घरावर धाड टाकली. संशयाच्या आधारे तपासणी केली. यात तो आपल्या नावे असणाऱ्या वैयक्तिक आयडीवरून मोठ्या प्रमाणावर तिकिटे काढत असल्याचे निष्पन्न झाले. त्याच्या ईमेल आयडीवर अनधिकृतरीत्या काढलेल्या ९ तिकिटांची माहिती मिळून आली. ही तिकिटे ११ हजार ६९५ रुपये किमतीची आहेत. मोबाईलवरूनच तो तिकीट काढत होता. मोबाईलची तपासणी केली असता त्याने यापूवीर्ही १५२ तिकिटे काढली असल्याचे निष्पन्न झाले. त्याच्याकडून मोबाईल व रोख रकमेसह एकूण २४ हजारापेक्षा अधिक मुद्देमाल जप्त करण्यात आला. तपास उपनिरीक्षक बी. के. सिंह करीत आहेत.