नागपूर : धुमधडाक्यात वाढदिवस साजरे करणे, केक कापणे, कापलेला केक एकमेकांच्या अंगावर फेकण, ताेंडाला लावणे, ओल्या पार्ट्या आयाेजित करणे ही आता फॅशन झाली आहे. मात्र, उमरेड शहरातील एका ‘बर्थ डे बाॅय’ चक्क तलावारीने केक कापला. त्याची व्हिडीओ क्लिप साेशल मीडियावर व्हायरल झाली आणि त्या ‘बर्थ डे बाॅय’ला वाढदिवसाला पाेलीस काेठडीची हवा खावी लागली. हा प्रकार साेमवारी (दि. २९) उमरेड शहरात घडला.
अड्डू ऊर्फ सादिक उस्मान शेख (२८, रा. इतवारी पेठ, उमरेड) असे अटक करण्यात आलेल्या आराेपी ‘बर्थ डे बाॅय’चे नाव आहे. बर्थ डे असल्याने अड्डूने साेमवारी मित्रांसाठी ‘बर्थ डे पार्टी’ आयाेजित केली हाेती. पार्टी दरम्यान फटाक्यांची आतषबाजी करण्यात आली. केक कापताना अड्डूने स्वत: तलवार बाळगली हाेती. मित्रांपैकी काहींनी याची माेबाईल फाेनमध्ये व्हिडिओ क्लिप तयार केली आणि सोशल मीडियावर पाेस्ट केली.
या प्रकाराबाबत माहिती मिळताच पाेलिसांनी अड्डूची प्राथमिक चाैकशी केली. त्यानंतर संशय बळावल्याने त्याच्या घराची झडती घेण्यात आली. यात पाेलिसांच्या हाती तलवार लागल्याने ती जप्त करीत अड्डूला ताब्यात घेतले. याप्रकरणी उमरेड पाेलिसांनी आर्म ॲक्ट सहकलम ३७ (१), महाराष्ट्र पाेलीस अधिनियम १३५ अन्वये गुन्हा दाखल करून अड्डूला अटक केली. ही कारवाई प्रभारी ठाणेदार महेश भाेरटेकर यांच्या मार्गदर्शनात उपनिरीक्षक बट्टुलाल पांडे, प्रदीप चवरे, राधेश्याम कांबळे, पंकज बट्टे, तिलक रामटेके यांनी केली