नागपुरात भांडण सोडवणाऱ्या पोलिसाला धक्काबुक्की

भांडण सोडवण्यासाठी गेलेल्या पोलीस कर्मचाऱ्याला आरोपींनी धक्काबुक्की केली. यशोधरानगर पोलीस ठाण्याच्या हद्दीतील धम्मदीपनगरातील शीतला माता मंदिराजवळ रविवारी रात्री १० ते १०.१५ च्या सुमारास ही घटना घडली.

ठळक मुद्देयशोधरानगरातील घटनाआठ आरोपींविरुद्ध गुन्हा दाखल

लोकमत न्यूज नेटवर्कनागपूर : भांडण सोडवण्यासाठी गेलेल्या पोलीस कर्मचाऱ्याला आरोपींनी धक्काबुक्की केली. यशोधरानगर पोलीस ठाण्याच्या हद्दीतील धम्मदीपनगरातील शीतला माता मंदिराजवळ रविवारी रात्री १० ते १०.१५ च्या सुमारास ही घटना घडली. आरोपी नितीन खानपुरे, चमन शाहू, मुकेश शाहू, वीरसिंग शाहू, पंकज डोमण्या, राजू निमजे, दिलीप चंद्रकार आणि मंगलाबाई खानपुरे अशी आरोपींची नावे आहेत.रविवारी रात्री १० च्या सुमारास ते आपसात भांडत होते. ही माहिती कळाल्याने नायक पोलीस शिपाई मधुकर आपल्या सहकाऱ्यांसह तेथे पोहचले. त्यांनी भांडण सोडविण्यासाठी आरोपींना हुसकावण्याचा प्रयत्न केला असता आरोपींनी मधुकर यांच्याशी वाद घालून त्यांना धक्काबुक्की केली. या घटनेनंतर यशोधरानगर पोलिसांचा मोठा ताफा तेथे पोहचला. त्यांनी आरोपींपैकी काहींना ताब्यात घेतले. मधुकर यांच्या तक्रारीवरून यशोधरानगर पोलीस ठाण्यात उपरोक्त आरोपींविरुद्ध शासकीय कामात अडसर निर्माण केल्याच्या आरोपाखाली गुन्हा दाखल करण्यात आला.