नागपूर : दारू तस्करीत सहभागी असलेल्या एका युवकाला कोराडी पोलिसांनी माऊझर व काडतुसासह अटक केली. कपिल ऊर्फ सानू संतोष साहू (२२) रा. रामनगर, कोराडी असे अटक केलेल्या आरोपीचे नाव आहे.
कपिल हा रामनगर ग्रामपंचायतसमोर राहतो. कोराडी पोलिसांना मारुती कार क्रमांक एम.एच. -३१-ए.जी.-७७०६ मध्ये दारूची तस्करी होत असल्याची गुप्त माहिती मिळाली. या आधारावर पोलिसांनी शिवानी साहू किराणा दुकानाजवळ कारला रोखले. कारची झडती घेतली असता त्यात दारूसोबतच माऊझर (पिस्तूल) आणि पाच काडतुसे व चाकूही सापडला. पोलिसांनी दारू व शस्त्र जप्त करून सानूला ताब्यात घेतले. सानूचे किराणा दुकान आहे. तेथून तो अवैध दारुची विक्री करीत होता. त्याच्याविरुद्ध दारु तस्करी व चोरीचा गुन्हा दाखल करण्यात आला आहे.