नागपूर : आजीमाजी सैनिक विधवांच्या पाल्य व युध्द विधवांचे आणि जे या वसतिगृहात प्रवेश घेऊ इच्छितात त्यांनी माजी सैनिकी मुलांचे वसतिगृह आणि माजी सैनिकी मुलींचे वसतिगृह, हिस्लॉप कॉलेज जवळ, सिव्हील लाईन्स येथून ५० रुपयांचा प्रवेश अर्जाचा फॉर्म व माहिती पुस्तिका घेवून येत्या ३० जुलैपर्यंत माजी सैनिक ओळखपत्र, गुणपत्रिका व शैक्षणिक संस्थेत प्रवेश घेतलेल्या संस्थेच्या दाखल्याची छायांकित प्रतीसह माजी सैनिकी मुलामुलींचे वसतिगृहात जमा करावे, असे आवाहन जिल्हा सैनिक कल्याण अधिकारी मेजर डॉ. शिल्पा खरपकर यांनी केले आहे.
नागपूर येथे माजी सैनिकी मुलांचे वसतिगृह क्षमता ६० व माजी सैनिकी मुलींचे वसतिगृह क्षमता ७० आहे. नागपूर येथील शैक्षणिक संस्थेत शिक्षण घेत असलेल्या आजी व माजी सैनिक पाल्यांना सवलतीच्या दरात युध्दा विधवाच्या पाल्यांना मोफत निवास आणि भोजनाची सुविधा उपलब्ध आहे. जागा असल्यास सर्वसाधारण नागरिक पाल्यांनासुद्धा प्रवेश देण्यात येईल.