लाेकमत न्यूज नेटवर्क
काेराडी : रेतीच्या ट्रकचा पाठलाग करताना चालकाने ट्रकला ओव्हरटेक करण्याचा प्रयत्न केला. त्यात पाेलिसांच्या वाहनाची समाेरून येत असलेल्या बाेलेराेला जाेरात धडक लागल्याने चालक गंभीर जखमी झाला. ही घटना काेराडी (ता. कामठी) पाेलीस ठाण्याच्या हद्दीतील काेराडी परिसरातील बिस्कीट कंपनीजवळ रविवारी (दि. २२) रात्री ९.३० वाजताच्या सुमारास घडली.
जखमी चालकाचे नाव कळू शकले नाही. काेराडीहून नागपूरच्या दिशेने रेती घेऊन जात असलेला ट्रक दिसताच पाेलिसांच्या वाहनाने त्या ट्रकचा लगेच पाठलाग करायला सुरुवात केली. त्या वाहनात केवळ चालक हाेता. पाठलाग करण्यापूर्वी त्याने पाेलीस ठाण्यात तशी सूचना दिली हाेती. दरम्यान, बिस्कीट कंपनीजवळ चालकाने ट्रकला ओव्हरटेक करण्याचा प्रयत्न केला.
त्यातच समाेरून बाेलेराे आल्याने चालकाचा ताबा सुटला आणि पाेलिसांचे वाहन त्या बाेलेराेवर धडकले. धडक एवढी जबर हाेती की, पाेलिसांचे वाहन राेडलगतच्या बॅरिकेड्सवर आदळून सर्व्हिस राेडवर उलटले. शिवाय, वाहनावरील दिवा बॅरिकेड्सला लटकला हाेता. यात पाेलिसांच्या वाहनाचा चालक गंभीर जखमी झाला असून, नागरिकांनी त्याला लगेच उपचारासाठी शासकीय रुग्णालयात भरती केले. वृत्त लिहिस्ताे या प्रकरणाची पाेलीस दरबारी नाेंद करण्यात आली नव्हती.