नागपूर : जीएसटीनंतर राज्याला सर्वाधिक महसूल देणाऱ्या विभागांमध्ये नोंदणी शुल्क विभागाचा क्रमांक लागतो. आर्थिक वर्ष-२०२३-२४ मध्ये नोंदणी व मुद्रांक शुल्क विभागाने नागपूर जिल्ह्यात १९२६.२० कोटी रुपयांची कमाई केली. यामध्ये नागपूर शहर १४५४.३४ कोटी आणि नागपूर ग्रामीणचा ४७१.८६ कोटींचा सहभाग आहे. गेल्यावर्षी रेडिरेकनर दरात वाढ केलेली नसतानाही दस्तनोंदणी वाढली आहे. शिवाय विभागाने जुन्या दस्तांसाठी अभय योजना राबविली. ही योजना पुढेही सुरू राहणार आहे. आर्थिक वर्षात घरखरेदीला मोठा प्रतिसाद मिळाला.
नागपूर ग्रामीणला १ एप्रिल-२०२३ ते ३१ मार्च-२०२४ या काळात एकूण ५४०४२ दस्तनोंदणीतून ४५० कोटींच्या उद्दिष्टांच्या तुलनेत ४७१.८६० कोटी रुपयांचा महसूल मिळाला. नागपूर ग्रामीणची गोळा झालेल्या महसूलाची टक्केवारी १०४.८५ टक्के असल्याची माहिती नागपूर ग्रामीणचे सह जिल्हा निबंधक वर्ग-१ तथा मुद्रांक जिल्हाधिकारी संजय तरासे यांनी दिली. तर नागपूर शहर विभागाला एकूण ९४९६० दस्तनोंदणीतून १५०० कोटींच्या उद्दिष्टांच्या तुलनेत १४५४.३४ कोटी रुपयांचा महसूल मिळाला. गोळा झालेल्या महसूलाची टक्केवारी ९७ टक्के असल्याची माहिती नागपूर शहरचे सह जिल्हा निबंधक वर्ग-१ तथा मुद्रांक जिल्हाधिकारी तानाजी गंगावणे यांनी दिली.
नागपूर ग्रामीण कार्यालय :
महिना दस्त संख्या जमा महसूल (कोटी)एप्रिल-२३ ४३९८ २५.६७२मे ५११६ ३५.४१४जून ५०८५ ३६.६५७जुलै ४२८२ ४२.७९६ऑगष्ट ४३३० ३७.५२६सप्टेंबर ३४५० ६४.०११ऑक्टोबर ३७५२ २९.०१२नोव्हेंबर ३५६५ २९.५९७डिसेंबर ४४३४ ४१.३०१जाने.-२४ ४७७७ ३९.५२६फेब्रुवारी ५२५५ ४२.६८८मार्च ५५९८ ४७.६६०एकूण ५४०४२ ४७१.८६०- एकूण उद्दिष्ट ४५० कोटी- साध्य उद्दिष्ट ४७१.८६० कोटीएकूण टक्केवारी १०४.८५ टक्के
नागपूर शहर कार्यालय :
महिना दस्त संख्या जमा महसूल (कोटी)एप्रिल-२३ ६८५५ ७१.२९मे ८१७२ १०३.६४जून ७४७१ १२३.१६जुलै ८२१० ११०.८५ऑगस्ट ८२०७ १११.५८सप्टेंबर ७१५६ १११.५०ऑक्टोबर ७९०४ १००.७३नोव्हेंबर ७४२३ १०३.८३डिसेंबर ८३७० १२०.२३जाने.-२४ ८३४१ २३६.५९फेब्रुवारी ८९१० १२८.५१मार्च ७९४१ १३२.४३एकूण ९४९६० १४५४.३४- एकूण उद्दिष्ट १५०० कोटी- साध्य उद्दिष्ट १४५४.३४ कोटीएकूण टक्केवारी ९६.९६ टक्के