आतापर्यंत २१११६ व्यक्तींविरुध्द कारवाई
लोकमत न्यूज नेटवर्क
नागपूर : नागपूर महापालिकेच्या उपद्रव शोध पथकाच्या जवानांनी मंगळवारी मास्क शिवाय फिरणाऱ्या बेजबाबदार १६९ नागरिकांविरुध्द कारवाई केली.त्यांच्याकडून ८४ हजार ५०० रुपयांचा दंड वसूल केला. मागील काही दिवसात शोध पथकांनी २१११६ नागरिकांविरुध्द कारवाई करुन ८९ लाख हजाराचा दंड वसूल केला आहे.
मंगळवारी शोध पथकाव्दारे लक्ष्मीनगर झोन अंतर्गत २०, धरमपेठ ३४, हनुमाननगर ३३, धंतोली १४, नेहरुनगर १०, गांधीबाग ८, सतरंजीपुरा ११, लकडगंज ८, आशीनगर १४, मंगळवारी १३ आणि मनपा मुख्यालयातील ४ जणांविरुध्द ही कारवाई करण्यात आली.
पथकाचे प्रमुख वीरसेन तांबे यांच्या मार्गदर्शनात आतापर्यंत १५६४६ नागरिकांकडून ७८ लाख २३ हजार वसूल करण्यात आले आहे.
नागपुरात रुग्णांची संख्या सतत वाढत आहे. यावर नियंत्रण करण्यासाठी मनपाचे उपद्रव शोध पथक मास्क शिवाय फिरणाऱ्या बेजबाबदार नागरिकांविरुध्द कारवाई करत आहे. तरीसुध्दा अनेक नागरिक मास्कशिवाय फिरत आहेत.