ऑनलाइन लोकमतमुंबई, दि. 27 - आम्ही शिवाचे सैनिक वेडे..करु जिवाचे रान हे गाणं पाच वर्षापूर्वी शिवसेने लाँच केले होते. या गाण्याला शिवसैनिकांनी चागंलीच पंसती दर्शवली होती. काल गोरेगाव येथिल शिवसैनिकाच्या मेळाव्यात उद्धव ठाकरेंच्या उपस्थित शिवसेने कोण आला रे ? कोण आला..शिवसेनेचा वाघ आला हे नविन गाणं लाँच केले आहे. या गाण्यामध्ये शिवसेनेच्या कामाचा आढावा आणि आजपर्यंतची वाटचाल दाखवण्यात आली आहे.
शिवसेनेचं हे नवं गाणं गीतकार मंदार चोळकर याने लिहलं असून, याला संगीतबद्ध करण्याचं काम स्वप्नील गोडबोले या नव्या दमाच्या संगीतकारानं केलं आहे. शिवसेनेचं हे नवं गाणं स्वप्नील बांदोडकर आणि अवधूत गुप्ते यांनी गायलं आहे.महापालिका निवडणुकीच्या मुहूर्तावर भाजपाशी कोडीमोड झाल्यानंतर या गाण्याच्या तालावर शिवसैनिक निवडणुकीचा प्रचार करणार असल्याचे दिसतं आहे. या गाण्यातूही शिवसैनिकांना लढण्यासाठी आवाहन केलं गेलं आहे. तसेच गेल्यावर्षीच्या शिवसेनेच्या करुन दाखवलं या टॅगलाईनला धरुन हे गाणं लिहण्यात आलं आहे.मुंबई महापालिका जिंकण्यासाठी शिवसेनेच्या या नव्या गाण्याला शिवसैनिकांकडूनही पसंती आणि मोठी दाद मिळत आहे.