ऑनलाइन लोकमत
सातारा, दि. 19 - शिवजयंती साजरी करण्यासाठी तोरणागडावर गेलेल्या शिवभक्ताचा दरीत कोसळून मृत्यू झाल्याची घटना घडली आहे. या तरुणाचे नाव शंकर महादेव गायकवाड ( वय 26 ) असून तो जावळी तालुक्यातील मोरघरचा राहणार आहे. काल रात्री तोरणागडारुन शिवज्योत घेऊन उतरत असताना कड्यावरुन खोल दरीत कोसळून या तरुणाचा मृत्यू झाला आहे. शंकर गायकवाड हा शिरवळ येथील 'नीप्रो' कंपनीत कामाला होता. शिवजयंतीनिमित्त गावातील शिवप्रेमी मंडळाबरोबर तोरणागडावर 'शिवज्योत' आणण्यासाठी तो गेला होता.