त्या २३ डॉक्टर्सवर कारवाई हवीच

ठाणे महापालिकेच्या छत्रपती शिवाजी महाराज रुग्णालयात चालू असलेल्या डॉक्टरांच्या मनमानी कारभाराविरोधात मनसेने एल्गार पुकारला आहे.

ठाणे : ठाणे महापालिकेच्या छत्रपती शिवाजी महाराज रुग्णालयात चालू असलेल्या डॉक्टरांच्या मनमानी कारभाराविरोधात मनसेने एल्गार पुकारला आहे. स्वत:च्या मालकीच्या तसेच खाजगी रु ग्णालयात काम करून महापालिकेकडून लाखो रुपये पगार घेणाऱ्या डॉक्टरांचा शोध घेऊन त्यांच्यावर कडक कारवाई करण्याची मागणी मनसेने ठाणे महापालिका आयुक्तांकडे केली आहे. तसेच येथील डॉक्टरांच्या गैरकारभाराला पाठीशी घालणाऱ्या डीनचाही रुग्णालयाचा कारभार काढून घेण्याची मागणीही त्यांनी केली आहे. यासंदर्भात मनसेचे ठाणे शहर सचिव प्रदीप सावर्डेकर यांनी महापालिका आयुक्तांना निवेदन दिले आहे.मागील आठवड्यात कळवा येथील ठाणे महापालिकेच्या छत्रपती शिवाजी रु ग्णालयातील बेजबाबदार डॉक्टरांचा भोंगळ कारभार अतिरिक्त आयुक्त सुनील चव्हाण यांनी उघडकीस आणल्यानंतर २३ डॉक्टरांना कारणे दाखवा नोटीस बजावण्यात आली आहे. परंतु, हे डॉक्टर त्या वेळी रुग्णालयातच होते, अशी पाठराखण रुग्णालय प्रशासनाने करून ते अतिरिक्त आयुक्तांच्या पाहणी दौऱ्यादरम्यान कॅन्टीन अथवा इतर विभागांत फिरत होते, असा कयास थेट डीन सी. मैत्रा यांनी लावला आहे. त्यांच्या हजेरीवरदेखील रुग्णालय प्रशासन आणि पालिका यांच्यात मतभेद आहेत. त्यामुळेच ते जर हजर नसतील तर त्यांचा पगार कसा काय काढला जातो, असा सवालही सावर्डेकर यांनी उपस्थित केला आहे. >डीनही घालतात पाठिशीमुळात हे डॉकटर आपल्या कर्तव्यावर आहेत की नाही, याची पडताळणी करण्याची जबाबदारी रु ग्णालयाच्या डीन मैत्रा यांच्यावर आहे. मात्र, त्या दोषी डॉक्टरांना पाठीशी घालण्याचा आरोपही त्यांनी केला आहे. त्यामुळे या कामचुकार डॉक्टरांवर तत्काळ कारवाई करावी, अशी मागणी त्यांनी आयुक्तांकडे केली आहे.