देशभर संताप : मेघालयात बलात्कारास विरोध करणा:या महिलेला गोळ्या घातल्या; उत्तर प्रदेशात सत्र सुरूच
नवी दिल्ली : उत्तर प्रदेशातील बदायूँ सामूहिक बलात्कार व हत्या प्रकरणाने अख्खा देश स्तब्ध होऊन जगभर चिंता व्यक्त होऊ लागली असतानाही महिला अत्याचारात मात्र अजिबात खंड पडलेला नाही. उलट बदायँूसारख्याच क्रूर घटना घडत असल्याने समाजमन हेलावून गेले आहे. उत्तर प्रदेशात बंदुकीच्या धाकावर मुलीवर बलात्कार करण्यात आला, तर मेघालयात बलात्कारास विरोध करणा:या महिलेची डोक्यात गोळ्या घालून हत्या करण्यात आली.
मेघालयच्या दक्षिणी गारो पर्वतीय जिल्ह्यात राजा रोंगटमध्ये संशयित अतिरेक्यांनी एका महिलेवर बलात्काराचा प्रयत्न केला. तिने विरोध करताच अतिरेक्यांनी तिची डोक्यात गोळ्या घालून निर्घृण हत्या केली.
सदर महिला मंगळवारी सायंकाळी 6 वाजेच्या सुमारास पती आणि मुलांसह आपल्या घरात होती. त्याचवेळी गारो नॅशनल लिबरल आर्मीचे (जीएनएलए) चार ते पाच सशस्त्र अतिरेकी तिच्या घरात घुसले. पती आणि पाच मुलांना घरात कोंडून ठेवून या महिलेला त्यांनी घराबाहेर खेचले. मारपीट करून तिच्यावर अतिप्रसंग करण्याचा प्रय} केला आणि याला विरोध करताच अगदी जवळून तिच्या डोक्यात गोळ्या घातल्या. ज्यामुळे तिच्या डोक्याचे दोन तुकडे झाले. पोलीस महासंचालक (मोहीम) जी.एच.पी. राजू यांनी बुधवारी येथे या घटनेची माहिती दिली. दरम्यान, गारो पर्वतीय क्षेत्रचे प्रतिनिधित्व करणारे खासदार पी. ए. संगमा यांनी या घटनेची निंदा करताना क्षेत्रत कायदा आणि व्यवस्था दिवसेंदिवस बिघडत चालली असल्याचे मत व्यक्त केले आहे. (वृत्तसंस्था)
बंदुकीच्या धाकावर मुलीवर बलात्कार
4संभल(उ. प्र.)- उत्तर प्रदेशच्या संभल जिल्ह्यात नखासा परिसरात बंदुकीचा धाक दाखवून एका मुलीवर बलात्कार करण्यात आल्याचे प्रकरण उघडकीस आले आहे.
4पोलीस सूत्रंनी दिलेल्या माहितीनुसार फिरोजपूर गावात बुधवारी सकाळी 15 वर्षाची ही मुलगी तिच्या शेतात शेण वेचायला गेली होती. त्याचवेळी गावातील कासीम नामक इसम तेथे पोहोचला आणि बंदुकीचा धाक दाखवून तिच्यावर बलात्कार केला. पोलिसांनी या प्रकरणी आरोपीविरुद्ध गुन्हा नोंदवून तपास सुरू केला आहे.