ऑनलाइन लोकमत
लातूर, दि. ०१ - ऐषोरामासाठी पैस खर्च करू न देणा-या, पैसे उधळता तो वाचवण्यास सांगणा-या आईची पोटच्या मुलानेच मित्रांच्या मदतीने हत्या केल्याची धक्कादायक घटना उद्गीर येथे घडली. गेल्या आठवड्या गुरूवारी भर दुपारी चोरट्यांनी प्रणिता प्रशांत पेन्सलवार (वय ४४) या महिलेची गला चिरून हत्या केल्याची धक्कादायक घटना उघडकीस आली होती. मात्र पोलिसांनी याप्रकरणाचा अधिक तपास केला असता ही हत्या चोरट्यांनी नव्हे तर पेन्सलवार यांच्या मुलानेच केल्याचे समोर आले आहे.
( भरदुपारी चोरट्यांनी केला महिलेचा गळा चिरून खून)
उदगिरात प्रशांत पेन्सलवार हे प्रसिध्द किराणा व्यापारी असून त्यांचे मुख्य मार्केटमध्ये दुकान आहे. ब-यापैकी श्रीमंत असलेल्या पेन्सिलवार यांचा मुलगा सोहम हा लाडाच वाढलेला. नुकताच ९वीतून १०वीत गेलेल्या सोहमला छानछोकीची, ऐषोरामाची खूप आवड. त्यासाठी तो सतत पैसे मागत असे. मात्र हीच गोष्ट त्याची आई, प्रणिता यांना आवडत नसे. तत पैसे खर्च करू नकोस, उधळू नकोस असे त्या सोहमला नेहमी बजावत असत. मात्र सोहमला त्यांचे ओरडणे, सतत टोकणे आवडत नसे. याच रागातून व पैशाच्या लोभापायी त्याने मित्रांच्या मदतीने जन्मदात्या आईचीच हत्या केली. अवघ्या १५ वर्षांच्या मुलाच्या या क्रूरकृत्याने अवघा महाराष्ट्र हादरला आहे.
काय आहे प्रकरण ?
उदगीर येथे गेल्या आठवड्यात गुरुवारी भर दुपारी एक वाजण्याच्या सुमाराला चोरीच्या उद्देशाने घरात घुसलेल्या तीन अज्ञात चोरट्यांनी सोने पळविताना आरडाओरडा केलेल्या महिलेचा तीक्ष्ण हत्याराने गळा चिरुन खून केला. चोरट्यांच्या या हल्ल्यात मयत महिलेचा १५ वर्षाचा मुलगाही गंभीर जखमी झाला आहे़ प्रणिता प्रशांत पेन्सलवार (वय ४४) असे मयत महिलेचे नाव असून त्यात त्यांचा मुलगा सोहमही जखमी झाला होता.
शहरातील शेल्लाळ रोडवरील येथील प्रशांत पेन्सलवार यांच्या घरी गुरुवारी दुपारी एकच्या त्यांची पत्नी प्रणिता व मुलगा सोहम (१५) हे दोघेच होते़ यावेळी तीन अज्ञात युवकांनी ‘सावकारांनी (मयत महिलेच्या पतीने) एसी दुरुस्त करण्यास सांगितले आहे’, असे प्रणिता पेन्सलवार यांना सांगितले़. त्यामुळे त्यांनी तिघांना एसी दाखविली़ एसी पाहण्याचा बहाणा करुन ते तपास असताना त्यांनी पाणी मागितले. १५ वर्षीय सोहम पाणी आणण्यासाठी दुसऱ्या खोलीत गेला असता या तिघांनी प्रणिता यांना धाक दाखवून त्यांच्या अंगावरील दागिने ओरबाडले़. घाबरलेल्या प्रणिता यांनी आरडाओरड करण्यास सुरुवात केली़ तेव्हा तिघांनी तीक्ष्ण हत्याराने त्यांचा गळा चिरला आणि ते तेथून पळाले. मात्र आईचा आवाज ऐकून धावत बाहेर आलेल्या सोहमवरही त्या चोरट्यांनी वार केले व तो गंभीर जखमी झाला. येत असताना त्याच्याही हातावर तिघांनी हातातील हत्यारांनी वार केला़ त्यात तोही गंभीर जखमी झाला आहे.
दरम्यान याप्रकरणाचा पोलिस तपास करत असताना त्यांना या घटनेत काही गडबड जाणवली व त्यांनी सोहमची कठोर पद्धतीने चौकशी केली असता, त्यानेच आपल्या आईचा खून केल्याची धक्कादायक घटना समोर आली.