रज्जत बडजात्यांच्या शोकसभेत सलमानला अश्रू अनावर

राजश्री प्रॉडक्शनचे व्यवस्थापकीय संचालक आणि मुख्य कार्यकारी अधिकारी रज्जत बडजात्या यांचे गेल्या शुक्रवारी निधन झाले. त्याच्या शोकसभेला शनिवारी अभिनेता सलमान खानला अश्रू अनावर झाले.

ऑनलाइन लोकमतमुंबई, दि. १ - राजश्री प्रॉडक्शनचे व्यवस्थापकीय संचालक आणि मुख्य कार्यकारी अधिकारी रज्जत बडजात्या यांचे गेल्या शुक्रवारी निधन झाले. त्याच्या शोकसभेला शनिवारी अभिनेता सलमान खानला अश्रू अनावर झाले. सलमानला 'मैंने प्यार किया' हा त्याचा पहिला हिट चित्रपट हा राजश्री प्रॉडक्शनच्या बॅनरमुळे मिळाला होता. 'मैंने प्यार किया' या चित्रपटापासूनच सलमान आणि रज्जत यांची मैत्री होती. रज्जत हे सलमानपेक्षा वयाने लहान होते. त्यामुळे सलमान त्यांना आपल्या लहान भावाप्रमाणेच वागवत असे. 'हम आपके है कौन' या चित्रपटाच्यावेळी तर रज्जत यांनी कॉलेज पास आऊट केले होते. रजत यांना कॅन्सर झाला होता. उपचारादरम्यान त्यांची प्राणज्योत मालवली. रजत यांच्या निधनामुळे सलमान दुखी झाला आणि शोकसभेला त्याचे अश्रू अनावर झाले. रज्जत हे दिग्दर्शक सूरज बडजात्या यांचे चुलत बंधू होते.