मुंबई : शिवसेनेचे आमदार रमेश लटके यांचे रात्री हृदयविकाराचा झटका आल्याने निधन झाले. ते अंधेरी पूर्वमधून आमदार म्हणून निवडून आले होते. लटके यांचे कुटुंबीय अ‍ॅटॅक आला त्यावेळी शॉपिंगला गेले होते, असे राज्याचे मंत्री अनिल परब यांनी सांगितले.
रमेश लटके हे दुबईला ओळखीच्या व्यक्तीला भेटण्यासाठी गेले होते. बुधवारी रात्री अचानक त्यांना हार्ट अ‍ॅटॅक आला आणि त्यांचा मृत्यू झाला. ते ५२ वर्षांचे होते. काँग्रेसचे सुरेश शेट्टी यांना हरवून २०१४ मध्ये पहिल्यांदा लटके हे आमदार बनले होते. २०१९ मध्ये त्यांनी अपक्ष उमेदवार एम पटेल यांना पराभूत केले होते. ते मुंबई महापालिकेचे नगरसेवकही राहिले आहेत.
आमदार लटके यांच्या निधनामुळे शिवसेनेला मोठा धक्का बसला आहे. त्यांचे पार्थिव भारतात आणण्यासाठी प्रक्रिया सुरु करण्यात आली आहे.