राजस्थानचे मुख्यमंत्री अशोक गेहलोत यांचा नांदेड येथे भव्य सत्कार

राजस्थानचे नवनिर्वाचित मुख्यमंत्री अशोक गेहलोत यांचा गुरुवारी नांदेड येथे नागरी सत्कार सोहळा आयोजित करण्यात आला आहे. प्रदेश काँग्रेसचे अध्यक्ष अशोक चव्हाण यांच्या उपस्थितीत नांंदेड शहरातील नवामोंढा मैदानावर हा कार्यक्रम पार पडणार आहे.

मुंबई : राजस्थानचे नवनिर्वाचित मुख्यमंत्री अशोक गेहलोत यांचा गुरुवारी नांदेड येथे नागरी सत्कार सोहळा आयोजित करण्यात आला आहे. प्रदेश काँग्रेसचे अध्यक्ष अशोक चव्हाण यांच्या उपस्थितीत नांंदेड शहरातील नवामोंढा मैदानावर हा कार्यक्रम पार पडणार आहे.नांदेडच्या विविध भागांत राष्ट्रीय नेत्यांचे पुतळे उभारण्याचे आश्वासन काँग्रेसने मनपा निवडणुकीच्या वेळी आपल्या वचननाम्यात दिले होते. त्यानुसार शहरातील आयटीआय चौकात महात्मा जोतिबा फुले व सावित्रीबाई फुले यांचा पूर्णाकृती पुतळा उभारला आहे. ३ जानेवारीला अशोक गेहलोत यांच्या हस्ते या पुतळ्यांचे अनावरण केले जाणार आहे. त्यानंतर सायंकाळी नवामोंढा मैदानावर अशोक गेहलोत यांचा सत्कार होईल. नांदेड शहर व जिल्हा काँग्रेस कमिटीतर्फे या सोहळ्याचे आयोजन करण्यात आले असून काँग्रेस कार्यकर्ते व नागरिकांनी मोठ्या संख्येने उपस्थित राहावे, असे आवाहन काँग्रेसचे महानगराध्यक्ष अमरनाथ राजूरकर व जिल्हाध्यक्ष गोविंदराव शिंदे नागेलीकर यांनी केले आहे.