ऑनलाइन लोकमत
डोंबिवली, दि. १९ - मध्य रेल्वेचे रडगाणे सुरुच असून रविवारी ठाकूर्ली - डोंबिवली दरम्यान लोकल ट्रेनचा डबा घसरल्याने मध्य रेल्वेची वाहतूक विस्कळीत झाली आहे. रविवारच्या मेगाब्लॉकमध्ये या अपघाताची भर पडल्याने प्रवाशांना मनस्ताप सोसावा लागत आहे.
रविवारी दुपारी ठाकूर्ली - डोंबिवली दरम्यान सीएसटीकडे जाणा-या धीम्या मार्गावर लोकल ट्रेनचा डबा घसरला. यामुळे मुंबईकडे जाणा-या धीम्या मार्गावरील वाहतूक खोळंबली आहे. रेल्वेचे पथक घटनास्थळी दाखल झाले असून सध्या धीम्या मार्गावरील वाहूत जलद मार्गावर वळवण्यात आली आहे.