ऑनलाइन लोकमत
ठाणे, दि. २२ - मध्य रेल्वेचे रडगाणे अद्याप कायम असून ठाणे स्टेशनजवळ ओव्हरहेड वायर तुटल्याने लोकलसेवा विस्कळीत झाली आहे. यार्डातून गाडी काढताना लोकलची ओव्हरडेह वायर तुटल्याने कल्याणच्या दिशेने जाणा-या धीम्या मार्गावरील वाहतूक बंद पडली आहे. गेल्या ब-याच काळापासून मध्य रेल्वेची सेवा विस्कळीत झाली असून त्याचा परिणाम सीएसटीकडे जाणा-या धिम्या व जलद मार्गावरील गाड्यांवरही झाला असून गाड्या उशीराने धावत आहेत. त्यामुळे कामावर निघालेल्या चाकरमान्यांना मात्र बराच त्रास सहन करावा लागत आहे.