ऑनलाइन लोकमत
अकोला, दि. १५ - शहरातील रस्त्यांची दुरावस्था झाली असून, रस्त्यांवर घाण व धुळ साचली आहे. स्थानिक प्रशासनाचे याकडे दुर्लक्ष होत असल्यामुळे ही स्थिती अधिकच बिकट झाली आहे. याकडे प्रशासनाचे लक्ष वेधण्यासाठी महाराष्ट्र नवनिर्माण सेनेच्या पदाधिका-यांनी शुक्रवारी गांधीगिरीचा अवलंब करीत स्वत: सिव्हिल लाईन चौक ते नेहरु पार्क चौकापर्यंतचा रस्ता झाडून काढला. यावेळी पंकज साबळे, अरविंद शुक्ला, चंदु अग्रवाल, सौरभ भगत व इतर पदाधिकारी उपस्थित होते. मनसेचे हे अभिनव आंदोलन शहरात चर्चेचा विषय ठरला आहे.