जेजुरी : तीर्थक्षेत्र जेजुरीत अत्यंत धार्मिक, ऐतिहासिक आणि सांस्कृतिक असा मर्दानी दसरा काल जल्लोषात साजरा झाला. तब्बल 18 तास रंगलेल्या या सोहळा भाविकांना वेगळीच अनुभूती देऊन गेला.
सायंकाळी 6 वाजता पेशव्यांच्या इशारतीने सोहळ्याला प्रारंभ झाला. भंडा:याच्या उधळणीत खांदेकरी माणक:यांनी देवाच्या उत्सव मूर्तीची पालखी उचलली. देवाच्या जयघोषात पालखीने गडकोटातील मुख्य मंदिराला प्रदक्षिणा घालीत, पालखी बालदारीत नेण्यात आली. भांडारगृहातून देवाच्या उत्सव मूर्ती सेवेक:यांनी पालखीत ठेवल्या. सोहळ्याने सीमोल्लंघनासाठी गडकोटाबाहेर बंदुकीच्या फैरींच्या सलामीत कूच केले.
भाविकांनी भंडा:याची उधळण केल्याने मावळतीला गडकोटाला सुवर्णनगरीचे स्वरूप आले होते. मुख्य प्रवेशद्वारातून सोहळा गडकोटाबाहेर आल्यानंतर गडाला प्रदक्षिणा घालून सोहळा रमण्याकडे निघाला. गडाच्या पाठीमागील बाजूस सोहळा विसावला.
दरम्यान, रात्री 9 वाजता मरतड भैरवाचे मूळ ठिकाण कडेपठार मंदिरातील उत्सव मूर्तींचा पालखीसोहळा ही सीमोल्लंघनासाठी निघाला.
मद्यरात्री हा सोहळा रमण्यात पोहोचला, तर कडेपठार चा सोहळ्याने सुसरटींगी टेकडी सर केली. रात्री 2 वाजण्याचा सुमारास आतषबाजीत दोन्ही सोहळ्यातील उत्सवमूर्तींची देवभेट झाली आणि सोहळ्याने माघारीचे प्रस्थान ठेवले. देवभेटीचा विलोभनीय सोहळा उरकल्यानंतर जेजुरी गडाच्या पालखीचा सीमोल्लंघनातून सोने लुटण्याचा सोहळा रंगला.
रमण्यातील तळ्याकाठी सोनेलुटून भाविकांनी उत्सव मूर्तींना अर्पण करून दस:याचे पारंपरिक महत्त्व जपले. सोहळ्याने पहाटे पहाटे 5 वाजण्याच्या सुमारास जुन्या जेजुरीमार्गे गावात प्रवेश केला. सोहळा नगरपालिका पटांगणावर पोहोचला. या ठिकाणी रावणदहन करण्यात आले. तेथून मुख्य रस्त्याने गडकोटाकडे निघाला. वाटेत घराघरासमोर महिलांनी रांगोळ्या काढून सोहळ्याचे स्वागत केले. सकाळी 7 वाजता पालखी सोहळा गडाच्या पाय:यांची चढण चढून गडावर पोहोचला. भंडारगृहात उत्सव मूर्ती विसावल्यानंतर पेशव्यांनी रोजमारा वाटप केले. सोहळ्याची सांगता झाली. (वार्ताहर)
4नवरात्रची सांगता आणि घराघरांतील घट उठल्यानंतर जेजुरीतील ग्रामस्थ, देवाचे मानकरी, खांडेकरी, तसेच बाहेरून आलेल्या भाविकांनी जेजुरी गड व परिसर गर्दीने फुलून गेला होता.
4लख्ख प्रकाशात जेजुरी गडाची पालखी डोंगर उतारावरून खालीदरीत रामण्याकडे उतरत होती, तर कडेपठार पालखी सुसरटिंगीच्या टेकडीवर चढत होती. डोंगराळ भाग असल्याने खांदेक:यांना पालखी सांभाळण्यासाठी मोठी कसरत करावी लागत होती.