टायर फुटल्याने जीप स्कूल व्हॅनवर धडकली

टायर फुटल्याने भरधाव जीप स्कूल व्हॅनला धडकून बदनापूर मतदारसंघातील भाजपाचे आ. नारायण कुचे यांच्यासह पाचजण जखमी झाले.

जालना : टायर फुटल्याने भरधाव जीप स्कूल व्हॅनला धडकून बदनापूर मतदारसंघातील भाजपाचे आ. नारायण कुचे यांच्यासह पाचजण जखमी झाले. ही घटना सोमवारी सकाळी साडेनऊच्या सुमारास मोतीबागेसमोर घडली. बदनापूर येथून अंबडकडे जात असताना आ. कुचे यांच्या जीपचा टायर फुटला आणि चालकाचे नियंत्रण सुटून जीप समोरून येणाऱ्या स्कूलव्हॅनवर आदळली. यात कुचे यांच्यासह जीप चालक हरिभाऊ शेळके, व्हॅनमधील अमोल राठोड, सुदर्शन काकासाहेब नन्नवरे देव, युवराज चंदू शेळके हे जखमी झाले. (प्रतिनिधी)