भाजीपाल्याचा मुंबईत प्रचंड तुटवडा

शेतकरी संपाच्या दुसऱ्या दिवशी मुंबई बाजार समितीमधील आवक प्रचंड घटली आहे. भाजी मार्केटमध्ये फक्त १४७ वाहनांची आवक

लोकमत न्यूज नेटवर्कनवी मुंबई/मुंबई : शेतकरी संपाच्या दुसऱ्या दिवशी मुंबई बाजार समितीमधील आवक प्रचंड घटली आहे. भाजी मार्केटमध्ये फक्त १४७ वाहनांची आवक झाली. कांद्याची एकही गाडी आलेली नाही. आवक कमी झाल्याने बाजारभाव प्रचंड वाढले आहेत. कोथिंबिरीची छोटी जुडी ५० व मोठी १०० रुपयांना विकली जात होती. इतर भाजीपाल्याचे दरही दुप्पट झाले असून, संप असाच राहिला तर सर्वच भाज्यांचे दर शंभरी पार करण्याची शक्यता व्यक्त केली जात आहे. मुंबई बाजार समितीच्या भाजी मार्केटमध्ये गुरुवारी ४९४ ट्रक, टेम्पो व इतर वाहनांची आवक झाली होती. परंतु शुक्रवारी राज्यातील शेतकऱ्यांनी माल विक्रीसाठी पाठवला नसल्याने दिवसभर फक्त १४७ वाहनांचीच आवक झाली. गुजरात, कर्नाटक, आंध्र प्रदेश व दिल्लीमधून भाजीपाला विक्रीसाठी आला होता. राज्यातून फक्त १० वाहनांमधून भाजीपाला विक्रीसाठी आला होता. आवक प्रचंड घटल्याने होलसेल मार्केटमध्ये भाजीपाल्याचे दर झटक्यात दुप्पट झाले. होलसेल मार्केटमध्ये टोमॅटोचे दर प्रतिकिलो ५ ते १२ रुपयांवरून १४ ते ३० रुपयांवर गेले आहेत. भेंडी १० ते १८ रुपयांवरून १४ ते ३२ रुपये, कोबी ८ ते १० रुपयांवरून २० ते २५ रुपये किलो दराने विकली जात होती. मार्केटमध्ये रोज ५००हून अधिक गाड्यांतील भाजीपाला खाली केला जातो. मात्र शुक्रवारी १२५ गाड्याही खाली झाल्या नाहीत. रात्रीपर्यंत संपावर तोडगा निघाला नाही, तर शनिवारी बाजारात भीषण परिस्थिती निर्माण होईल.- किरण झोडगे,अध्यक्ष, भायखळा मार्केटको-आॅप. प्रिमायसेस सोसायटीपालेभाज्या नको ग बाई..!कोथिंबीर, मेथी, पालक अशा नाशवंत पालेभाज्यांना अधिक मागणी असल्याने त्यांचे दरही तिपटीने वाढले होते. गुरुवारी २० ते ३० रुपयांना विकली जाणारी कोथिंबिरीची जुडी शुक्रवारी भायखळा, दादर येथील बाजारांत १२० ते १५० रुपयांना विकली जात होती. मेथी आणि पालक तर बाजारात पाहायलाच मिळाली नाही. याउलट गवारी, भेंडी, दुधी, वांगी या भाज्यांचे दर दीड ते दोन पटीने वाढवून सांगण्यात येत होते.एपीएमसी काही वेळ बंद माथाडी नेते आमदार शशिकांत शिंदे यांना कोरेगावमध्ये आंदोलन करताना अटक करण्यात आली. याचा निषेध करण्यासाठी राष्ट्रवादीच्या कार्यकर्त्यांनी मुंबई बाजार समितीमधील कांदा-बटाटा, धान्य व मसाला मार्केट दुपारनंतर बंद ठेवण्याचे आवाहन केले. यामुळे मार्केटमधील बहुतांश व्यवहार थांबले होते.मुंबई बाजार समिती व किरकोळ मार्केटमधील बाजारभाव (प्रति किलो)वस्तू३१ मे२ जूनकिरकोळफरसबी३० ते ५०६० ते ७०८० ते १००टोमॅटो५ ते १२१४ ते ३०४० ते ६०तोंडली८ ते २२८ ते २४४० ते ६०भेंडी१० ते १८१४ ते ३२६० ते ८०कोबी८ ते १०२० ते २४५० ते ६०फ्लॉवर८ ते १०१८ ते २२६० ते ७०कारली२२ ते २४१८ ते २२४० ते ६०वाटाणा३४ ते ३७३४ ते ३७५० ते ६०शेवगा शेंग२० ते २४२४ ते २६४० ते ६०