ऑनलाइन लोकमत
मुंबई,दि.16- राज्यात मुसळधार पाऊस कोसळणार असल्याचा इशारा भारतीय हवामान खात्याकडून देण्यात आला आहे.मध्य महाराष्ट्र, कोकण, विदर्भ आणि मराठवाड्यातील अनेक भागांमध्ये पुढील काही तासांमध्ये मुसळधार पाऊस होऊ शकतो असा इशारा हवामानखात्याने दिला आहे.
पुढील 48 तासांत मराठवाड्यात आणि विदर्भात जोरदार पाऊस कोसळण्याची शक्यता आहे तर कोकण आणि गोवामध्ये 20 तारखेपासूनच्या 24 तासांत अतिवृष्टी होऊ शकते तसेच मध्य महाराष्ट्रात 18 तारखेपासून दोन दिवसांसाठी मोठ्या प्रमाणात पावसाची शक्यता वर्तवण्यात आली आहे.
गुरूवारी गणपती विसर्जनालाही राज्यातील अनेक भागांत पावसाने हजेरी लावली होती.