पनवेल : मुंबई पुणे द्रुतगती महामार्गावर रविवारी दुर्मिळ सांबर प्रजातीच्या हरिणाचे रस्ता ओलांडताना मृत्यू झाले. द्रुतगती महामार्गावरील पुणे कडे जाणा-या लेनला पहाटे ६ वाजता हा अपघात झाला . खालापूर येथील दस्तुरी हॉटेल जवळ हा अपघात झाला . घटनेची माहिती मिळताच खालापूर येथील वनपरिक्षेत्र अधिकारी आशिष पाटील यांनी घटनास्थळी धाव घेत . या अपघाताची माहिती घेतली . विशेष म्हणजे हा सांबर प्रजातीचा हरीण अतिशय दुर्मिळ असल्याची माहिती पाटील यांनी दिली . हा प्राणी याठिकाणी स्थलांतरित झाला असल्याचा अंदाज पाटील यांनी व्यक्त केला . याठिकाणी असलेल्या वन्यजीवांना याठिकाणच्या रस्त्याची परिपूर्ण माहिती असल्याने अशा प्रकारे प्राण्याचे अपघात होत नसतात . मात्र हा प्राणी स्थलांतरित असल्याने याठिकाणच्या रस्त्याची माहिती नसल्याने हा अपघात झाला .
मुंबई पुणे द्रुतगती महामार्गावर रस्ता ओलांडताना दुर्मिळ सांबर जातीचा हरीण मृत्युमुखी
By ऑनलाइन लोकमत | Updated: December 10, 2017 19:01 IST