सिलिंडर स्फोटात युवतीचा मृत्यू

घरामध्ये साखरपुड्याची लगबग सुरु असताना गॅस सिलिंडरचा स्फोट होऊन सतरा वर्षीय युवतीचा मृत्यू झाला. शहरातील दत्तनगर भागात मंगळवारी सकाळी साडेसातच्या सुमारास घटना घडली.

लोकमत न्यूज नेटवर्कवाशिम : घरामध्ये साखरपुड्याची लगबग सुरु असताना गॅस सिलिंडरचा स्फोट होऊन सतरा वर्षीय युवतीचा मृत्यू झाला. शहरातील दत्तनगर भागात मंगळवारी सकाळी साडेसातच्या सुमारास घटना घडली. मानवतकर यांच्या कुटुंबातील राधा अशोक मानवतकर हिचा विवाह लोणार तालुक्यातील दाभा येथे ठरला होता. आज साखरपुडा होता. सर्व पाहुणे मंडळी दाखल झाली होती. चहासाठी गॅस पेटविल्यानंतर सिलिंडरचा स्फोट झाला. स्फोट होताच सर्व जण जीव वाचविण्यासाठी घराबाहेर पडले. यावेळी घराने पेट घेतला. माला रमेश मानवतकर (१७) झोपलेली होती. तिच्याकडे कुणाचेही लक्ष गेले नाही त्यामुळे तिचा भाजून मृत्यू झाला.