भाजपाची फडणवीस यांना पसंती : संजय राऊत म्हणतात आमचाच मुख्यमंत्री
मुंबई : विधानसभेत सत्ता येण्याच्या आधीच मुख्यमंत्री कोण होणार, यावरून भाजपा व शिवसेनेमध्ये चांगलीच जुंपली आहे. भाजपा उघड बोलायला तयार नाही. गोपीनाथ मुंडे की देवेंद्र फडणवीस, यावरून भाजपामध्येच एकमत होत नाही़ पण शिवसेनेने मात्र शिवसेनेचाच मुख्यमंत्री महाराष्ट्रात
येईल, असे जाहीर करून खळबळ उडवून टाकली आहे.
‘महाराष्ट्रात आम्ही मोठे भाऊ, केंद्रात भाजपा मोठा भाऊ,’ या न्यायानेच महायुतीत कोणाच्या कितीही जागा येऊ देत; पण महाराष्ट्राचा मुख्यमंत्री शिवसेनेचाच होईल, अशा शब्दांत शिवसेनेचे नेते खा.संजय राऊत यांनी भाजपावर बॉम्बगोळा टाकला आहे. त्यामुळे ‘उपर नरेंद्र नीचे देवेंद्र’ ही भाजपाची घोषणा हवेतच विरून जाणार की काय, असे बोलले जात आहे.
खा. राऊत म्हणाले, कोण किती जागा लढवतो आणि कोणाच्या किती जागा येतात हा विषयच नाही़ केंद्रात भाजपाचा पंतप्रधान होईल आणि महाराष्ट्रात शिवसेनेचा मुख्यमंत्री, हा युतीच्या स्थापनेपासूनचा धोरणात्मक निर्णय आहे. आज एनडीएसोबत जे घटक पक्ष आहेत ते कधीकाळी सगळे पळून गेलेले होते.
मात्र भाजपाच्या संकटाच्या वेळी देखील आम्हीच सोबत होतो. आम्ही कधीही पाठ फिरवलेली नाही. त्यामुळे ‘वरती मोदीजी खाली उद्धवजी’ ही आमची घोषणा आजची नाही, असे खा. राऊत यांनी ‘लोकमत’शी बोलताना स्पष्ट केले आहे.
या आधी देखील कमी जागा लढवून जास्त उमेदवार निवडून आलेले आहेत़ त्यामुळे ज्याचे आमदार जास्त (पान 3 वर)
(पान 1 वरून) त्या पक्षाचा मुख्यमंत्री असल्या गोष्टींना काही अर्थ नाही. युतीच्या स्थापनेच्यावेळी जे ठरले तेच कायम राहील, असेही खा. राऊत यांनी ठणकावून सांगितले आहे.
शिवसेनेचे दबावतंत्र
राज्यात भाजपाचे 23 खासदार निवडून आले आहेत. त्यामुळे भाजपाला जास्त जागा मिळाव्यात, अशी मागणी भाजपामधून जोर धरू लागली. त्यातच भाजपाने प्रदेशाध्यक्ष देवेंद्र फडणवीस यांना प्रोजेक्ट करणो सुरू केले. मनसे प्रमुख राज ठाकरे यांनी पंतप्रधान नरेंद्र मोदी यांचे जाहीर अभिनंदन केले. त्यांचीच हवा होती, म्हणून सगळे निवडून आले, असे सांगत शिवसेनेचे यश देखील मोदींमुळे असल्याचे त्यांनी अधोरेखित केले होते.
मात्र दुस:याच दिवशी शिवसेनेच्या जल्लोष मेळाव्यात उद्धव ठाकरे यांनी नरेंद्र मोदी यांचा नामोल्लेख देखील केला नाही. जे यश मिळाले त्यात 1क्क् टक्के वाटा शिवसेनेचा आणि बाळासाहेबांचे स्वप्न साकार करण्यासाठी झटलेल्या कार्यकत्र्याचा आहे, असे सांगून टाकले. सेना या सगळ्यात भाजपावर दबावतंत्रचा वापर करीत असल्याचेही सूत्रंचे म्हणणो आहे.
मी कुठे गुजरातला माहिती होतो?
भाजपाचे प्रदेशाध्यक्ष देवेंद्र फडणवीस यांना महाराष्ट्रात भाजपाचे मुख्यमंत्री पदाचे उमेदवार म्हणून प्रोजेक्ट करण्याची पंतप्रधान नरेंद्र मोदी यांची इच्छा आहे. पक्षाच्या एका उच्चस्तरीय बैठकीत देवेंद्र हे अजून नवखे आहेत. शहरी चेहरा आहे, असे सांगण्याचा प्रयत्न काही भाजपा नेत्यांनी केला. त्यावर मोदी म्हणाले, मी सहा वर्षे गुजरातपासून दूर होतो. अटलबिहारीजींनी आपल्याला गुजरातचा मुख्यमंत्री म्हणून पाठवले. मी आधी मुख्यमंत्री झालो नंतर आमदार. त्यानंतर माझी गुजरातला ओळख झाली. देवेंद्रच्या बाबतीत असे काहीच नव्हते. ते आमदार आहेत, शिवाय प्रदेशाध्यक्ष म्हणूनदेखील चांगले काम करीत आहेत. मोदींच्या या युक्तिवादावर काही ज्येष्ठ नेत्यांची बोलतीच बंद झाल्याचे समजते. (प्रतिनिधी)
199क् पासून राज्यात भाजपा 117 आणि शिवसेना 171 जागा लढवत आली आहे.
च्सध्याच्या विधानसभेत भाजपाचे 44 आणि शिवसेनेचे 43 सदस्य आहेत.