मुंबई - मैत्रिणीला मेसेज केल्याच्या रागातून महाविद्यालयीन तरुणावर चाकूहल्ला करण्याचा प्रकार शनिवारी अंधेरीत घडला. या प्रकरणी दोघांना अटक करण्यात आले असून, तिघांची चौकशी सुरू असल्याचे अंधेरी पोलिसांनी सांगितले. साहिल जांभळे व साहिल एस. अशी अटक केलेल्या दोघांची नावे आहेत, तर अन्य तिघांना ताब्यात घेऊन पोलीस त्यांची चौकशी करत आहेत. हे पाच जण व जखमी विद्यार्थी अंधेरीच्या काजूवाडी परिसरात राहतात. हे पाच जण व जखमी विद्यार्थी भूपेन बरुआ (२०) यांच्यात एका मुलीवरून भांडण सुरू होते. जांभळेच्या मैत्रिणीशी बरुआ बोलण्याचा प्रयत्न करतो, तसेच तिला मेसेज पाठवतो, यावरून त्यांच्यात भांडण सुरू होते. शनिवारी त्याच कारणावरून पाच मित्र आणि बरुआ यांच्यात भांडण झाले. अंधेरी पूर्वच्या मेट्रो रेल्वे स्थानकाजवळ त्यांनी बरुआवर हल्ला केला आणि पसार झाले. पोलिसांनी बरुआला कूपर रुग्णालयात दाखल केले आहे.
मैत्रिणीला मेसेज पाठविल्याने विद्यार्थ्यावर चाकूहल्ला
By लोकमत न्यूज नेटवर्क | Updated: March 12, 2018 05:14 IST